Aholi va qishloq xo‘jaligini ro‘yxatga olish tadbirlarida “O‘zbekko‘mir” AJ xodimlari ham faol ishtirok etmoqda. Xodimlar census.stat.uz sayti orqali ro‘yxatdan o‘tish ishlarini amalga oshirmoqda.

Ayni paytda Jamiyatga biriktirilgan Farg‘ona viloyati Beshariq tumanida ham ushbu muhim davlat tadbiri jadal sur’atlarda olib borilmoqda. Ushbu ishlar O‘zbekiston Respublikasi Prezidentining 2025-yil 19-sentyabrdagi PF–173-sonli  “Aholi va qishloq xo‘jaligini ro‘yxatga olish tadbirini o‘tkazish to‘g‘risida” gi Farmoni ijrosi doirasida amalga oshirilmoqda.

2026-yil 17-yanvar kuni Beshariq tumaniga biriktirilgan “O‘zbekko‘mir” AJ bosh direktorining birinchi o‘rinbosari E.O. Yakubov  tomonidan aholi va qishloq xo‘jaligini ro‘yxatga olish ishlarini muvofiqlashtiruvchi shtab a’zolari bilan birgalikda xatlov tadbirlarining tashkiliy holati muhokama qilindi.

Uchrashuv davomida ro‘yxatga olish ishlarining samaradorligini oshirish, yuzaga kelishi mumkin bo‘lgan muammolarni bartaraf etish hamda mas’ullarning vazifalarini aniq belgilash masalalariga alohida e’tibor qaratildi.