"Oʻzbekkoʻmir" aksiyadorlik jamiyati qoʻriqlash xizmatining 47-sonli boʻlimi xodimlari zimmasiga davlat mulkini oʻgʻirlashning oldini olish, koʻmir sanoati korxonalari hududini nazorat qilish, qoidabuzarlarni qoʻlga olish kabi vazifalar yuklatilgan.

– Jamiyat korxonalari hududini 170 nafar kishi tunu kun qoʻriqlash bilan shugʻullanadi, – deydi Qoʻriqlash xizmati boʻlim boshligʻi Talgat Tulegenov. – Ikki mobil guruh xodimlari eng muhim strategik obyektlar – "Angren" va "Apartak" konlarida tartib-intizomni nazorat qilmoqda, hujjatlarni tekshirmoqda. Ushbu hududlarga qatʼiy kirish tartibi belgilangan. Korxonalar hududida alkogol yoki giyohvandlik moddalari taʼsirida boʻlgan shubhali shaxslar ushlanadi, ish joylarida mehnat intizomi va xavfsizlik qoidalarini buzish holatlari qayd etiladi, yoqilgʻi, asbob-uskunalar va jihozlarni oʻgʻirlashga urinishlar toʻxtatiladi. 

Shunga qaramay, jamiyat tarkibiy boʻlinmalarida ishlaydigan ayrim shaxslar hali ham oʻgʻirlik va tashmachilikdan oʻzlari tiya olganlari yoʻq. Suhbatdoshimizning taʼkidlashicha, ular qoʻlga tushganda sordir etgan qilmishlarini yashirishga urinmaydilar, turli bahonalarni qalashtirishadi, vaholanki ular oʻzganikini emas oʻzinikini, yaʼni oʻzlari ishlayotgan korxonani oʻmarayotganlari bilsalar-da, uyalishmaydi. 

Xavfsizlik xizmati Angren shahar IIB, PXB, Milliy gvardiya brigadalari bilan yaqin aloqada faoliyat olib bormoqda. Shu tariqa deyarli har kechasi koʻmir korxonalari ishlab chiqarish hududi boʻylab qoʻshma patrul xizmati oʻtkazilmoqda. Oʻgʻirlik ustida qoʻlga olinganlar mobil guruhlar tomonidan  qoʻshimcha tergov oʻtkazish uchun shahar ichki ishlar boʻlimidagi hamkasblariga topshirilmoqda. 

Oʻtgan 2022 yilda davlat mulkini oʻgʻirlash bilan bogʻliq 200 dan ortiq faktlar aniqlanib, toʻplangan materiallar "Oʻzbekkoʻmir" AJ maʼmuriyati tomonidan shahar huquqni muhofaza qilish organlariga oʻtkazilgan, 50 dan ortiq ish boʻyicha sud qarorlari qabul qilingan, shundan 5 tasi – Oʻzbekiston Respublikasi Jinoyat kodeksi moddalariga asosan, 106 ta holat qonuniy tartibda koʻrib chiqilib, aybdorlarga nisbatan intizomiy jazo qoʻllanilmoqda. 

Yil davomida oʻgʻirlangan 470 million soʻmlik dizel yonilgʻisi, koʻmir mahsulotlari va moddiy boyliklar jamiyatga qaytarildi.

Qoʻriqlash postlari videokuzatuv moslamalari bilan jihozlangan boʻlib, ishlab chiqarish obyektlarini insofsiz shaxslarning tajovuzlaridan har tomonlama himoya qilishga qaratilgan. Afsuski, korxona mulkiga koʻz olaytiruvchilar kamaymayapti. Korxonalarda dizel yoqilgʻisi oʻgʻirlash ayyorlik bilan amalga oshiriladi: uni begona koʻzlardan yashirilgan qoʻshimcha kanistrlarga quyiladi va hufyona sotish holatlari davom etmoqda. 

Koʻmir oʻgʻirlash bilan band boʻlganlar quyidagicha harakat qilishadi: ular harakatlanayotgan poyezdning vagonlariga chiqishadi va koʻmir boʻlaklarini yerga tashlashadi, soʻngra sheriklar ularni qoplarga toʻplaydi. Yoki koʻmirni chiqindixonaga qandaydir axlat sifatida yuborishadi ‒ keyin uni u oʻsha yerda osongina yigʻib olishadi. 

Koʻmir yoqilgʻisini taroziga tortishda ham barcha oʻz ishiga masʼuliyat bilan yondoshmogʻi lozim. Bunday deyishimizga sabab, koʻp tonnali tarozilarda ortiqcha vazn negadir kamdan – kam uchraydi, ammo vagonlardagi mahsulot kam boʻlishi ‒ bu koʻp uchrayapti. 

Ishlab chiqarish hududlarini ishonchli himoya qilish uchun ularning atrofini huddi davlat chegaralaridan qoʻrgʻonlash, kerak boʻlganda, toʻsiqning tepasi boʻylab tikanli simlar bilan oʻrash zarur. Ammo ulkan maydonlarda buning amalda imkoni boʻlmaydi. Binobarin,  ishlab chiqarish hududlari xavfsizlik nuqtayi nazaridan ham begonalar kirishi uchun taqiqlangan. Hozircha eng yaxshi himoya, bu zamonaviy videokuzatuv moslamalaridir. Ular oʻrnatilgan joyda nafaqat nafaqat odam, balki oddiy sichqon harakatini ham kuzatib mumkin. 

‒ Baxtga qarshi mobil guruhlar aʼzolari takabbur qoidabuzarlarning yashirin tajovuzlariga duch kelishmoqda. Bir guruh notanish odamlar "Apartak" koniga ikkita "UAZ" rusumli avtomashinada koʻmir olib chiqish uchun kelgan. Ana shunda qoʻriqchilar ularning yoʻlini toʻsib, harakatni toʻxtatishni talab qilishgan, ‒ deydi boshliq oʻrinbosari Abdulla Muralimov. ‒ Ammo  oʻgʻrilar ularga quloq  solmay hujumga oʻtishgan. Natijada xodimlardan biri pichoqlangan va bir oy davomida kasalxonada davolanib chiqdi. Hozir salomatligi xavf ostida emas. 

Yaqinda yana bir qoʻriqchi uchta huquqbuzarning yoʻlini toʻsdi va mushtlashishiga toʻgʻri keldi. Uch huquqbuzar qoʻlga olindi. Toʻplangan videomateriallar ularning aybdorligini isbotlab berdi. 

Xavfsizlik xizmati xodimlari orasida jinoyatchilar bilan til biriktirganlar ham boʻlgan. Buni xizmat rahbarlari ham afsus bilan qayd etishadi. Hozirda bundaylarga oʻrin yoʻq: 10 ga yaqin kishi safdan chiqarildi, ularga nisbatan intizomiy jazo choralari qoʻllanildi. 

Ish samaradorligini oshirish maqsadida Qoʻriqlash xizmati yangi qishki kiyim-kechak, zamonaviy jihozlar: mobil va statsionar aloqa vositalari, uchta xizmat avtomobili, qoʻriqlash minoralari, yoritish va videokuzatuv tizimlari bilan taʼminlangan.

Qoidabuzarliklarni tergov qilish guruhiga tajribali mutaxassislar Maksim Irushkin va Alisher Majidovlar, shuningdek, xavfsizlik xizmatida ishlaydigan yagona ayol, operator Emil Salixova kiradi. Nazir Neʼmatov, Ravshan Tolipov, Alijon Abdugʻaniyev, Rahmatullo Xudoyberganov, Jasur Matxoliqov, Islom Gʻaniyev, Samit Rahmonov va boshqalar "Oʻzbekkoʻmir" aksiyadorlik jamiyati qoʻriqlash xizmatiga qarashli 47-sonli boʻlim mobil guruhlari tezkor xodimlaridir. 

Xizmat xodimlari yuklarni kuzatib boradi, hujjatlarni yuritadi, vagonlardan koʻmir toʻkish holatlarini qayd etadi, qoidabuzarlarni ushlaydi. 
Biz 14 Vatan himoyachilari kuni munosabati bilan davlat mulkini sidqidildan qoʻriqlayotgan xizmat xodimlarini tabriklaymiz. Hushyorligingiz va jasoratingiz uchun rahmat deymiz. Sizga sihat-salomatlik, sabr-toqat va ishlaringizda katta muvaffaqiyatlar tilaymiz.

Diana ANDREYEVA