Aholiga ko‘mir mahsuloti omborlarda grafik asosida tarqatiladi
Nashr qilingan sana: 26.09.2023 19:00:20Respublika aholisi mahalliy ko‘mir mahsulotini o‘zlari yashab turgan MFYlarga biriktirilgan hududiy ko‘mir ombrlari orqali xarid qiladi. Xaridorlar sun’iy navbatlar yuzaga kelmasligi uchun mahalliy hokimliklar tasdiqlagan jadval asosida haftaning belgilangan kunlari omborga borishi kerak.
Ijtimoiy tarmoqda Xonqa tumani Madir qishlog‘ida joylashgan ko‘mir omborida yuzaga kelgan navbat aks etgan, ombor xodimlari tomonidan yoqilg‘i tarqatish paytida tanish-bilishchilik qilinayotgani aytilgan videolavhalar tarqaldi.
“Ko‘mir ta’minot” MCHJ Xorazm viloyat filiali rahbari K.Jumaniyozovning yozma xabar qilishicha, holat yuzasidan ishchi guruh tuzilib, masala joyiga chiqib o‘rganilganida quyidagilar aniqlandi:
Xonqa ko‘mir ombori tumandagi 25 MFY aholisi biriktirilgan bo‘lib, joriy yilning 25 sentyabr kuni bu yerga uch vagonda jami 208 tonna ko‘mir yoqilg‘isi kirim qilingan. Ushbu yoqilg‘i mahsulotini shu kuni grafik asosida Guliston MFY, Paxtagul MFY, Qaramazi MFYlarning aholisiga tarqatish rejalashtirilgan (Guliston MFYda 430 ta xonadonning, Paxtagul MFYda 320, Qaramazli MFYda 980 xonadonning ko‘mirga ehtiyoji mavjud). Ammo 25 sentyabr kuni omborga tumandagi aksariyat mahallalardan aholi kelishi natijasida katta navbat hosil bo‘lgan.
Shu kuni ko‘mir tarqatish jarayonini tartibga solish uchun navbatga qo‘yish tashkillashtirilgan. Ammo ayrim xususiy yuk avtotransporti haydovchilari tomonidan navbat talashish, ombor hududiga navbatni buzib kirish oqibatida o‘zaro janjal yuzaga kelgan.
Ishchi guruhi tomonidan omborda sun’iy navbatlar yuzaga kelishining oldini olish bo‘yicha MFYlar bilan ish olib borish lozimligi xususida ombor mudiri S.Safarov va xodimlar ogohlantirildi. Ayni paytda MFY faollari hamda aholiga ko‘mir xarid qilishda o‘rnatilgan qat’iy grafikka amal qilishlari muhimdir.
Ma’lumot uchun, Xonqa tumanida 2023/2024-yillar kuz-qish mavsumi uchun aholi xonadonlarini 12 ming 200 tonna mahalliy ko‘mir yoqilg‘isi bilan rejalashtirilgan bo‘lib, bugungi kun holatiga 1 ming 110 xonadonga 1 ming 494 tonna mahalliy ko‘mir tarqatilgan.
Tabiiyki, aholi xonadonlariga yetkazib berilishi lozim bo‘lgan qoldiq 10 706 tonna ko‘mir yoqilg‘isini bir kunda olib kelib vagonlardan tushirish va tarqatish imkonsiz. Sun’iy navbatlarning oldini olish uchun aholi iste’molchilari omborga o‘rnatilgan qat’iy grafik asosida kelishi so‘raladi.
“O‘zbekko‘mir” AJ Axborot xizmati
Izohlar
Oxirgi yangiliklar:
Diqqat: “BelAZ” va “Komatsu” samosvallari haydovchilari kerak!
“O‘zbekko‘mir” aksiyadorlik jamiyati “BelAZ” hamda “KOMATSU” avtosamosvallarini boshqarish uchun yuqori malakali haydovchilarini ishga taklif qiladi. Aksiyadorlik jam...
O'qish“Koinot” oromgohi mavsumning 2-navbatini boshladi
Bugun “O‘zbekko‘mir” AJ xodimlari farzandlarining navbatdagi katta bir guruhi "Koinot" bolalar yozgi sog‘lomlashtirish oromgohiga mavsumning ikkinchi navbatida dam olish...
O'qish“O‘zbekko‘mir AJ aksiyadorlari diqqatiga!
“O‘zbekko‘mir” aksiyadorlik jamiyati aksiyadorlarining navbatdan tashqari umumiy yig‘ilishi o‘tkazilishi to‘g‘risida XABARNOMA “O‘zbekko‘mir” AJ Kuzatuv kenga...
O'qish“O‘zbekiston-2030” strategiyasi ijrosi muhokama qilindi
Kon-geologiya vazirligida “O‘zbekiston – 2030” strategiyasi ijrosi yuzasidan muhokama-munosabat tadbiri o‘tkazildi 2024-yil 28-iyunkuni Tog‘-kon sanoati va geologi...
O'qish