“O‘zbekko‘mir” AJ ijro apparati majlislar zalida jamiyat faoliyatida ochiqlik, shaffoflik va jamoatchilik bilan hamkorlikni mustahkamlashga qaratilgan navbatdagi onlayn muloqot o‘tkazildi.

Tadbirning asosiy maqsadi – fuqarolar bilan ochiq va samarali muloqotni yo‘lga qo‘yish, ularning fikr va takliflarini eshitish, amaldagi islohotlarni yanada takomillashtirish uchun zarur xulosalar chiqarishdan iborat.

Onlayn muloqot davomida soha faoliyatiga oid dolzarb masalalar ko‘rib chiqildi, aholidan kelib tushgan murojaat va savollarga javoblar berildi. Shuningdek, ko‘tarilgan muammolarni joyida hal etish, tegishli bo‘lim va tuzilmalar bilan hamkorlikda amaliy choralar ko‘rish bo‘yicha vazifalar belgilab olindi.

Mazkur platformaning muntazam ravishda tashkil etilishi sohaga nisbatan jamoatchilik ishonchini oshirish, ochiq ma’lumotlar maydonini kengaytirish, shuningdek, fuqarolarning fikr-mulohazalari asosida ish jarayonlarini takomillashtirishga xizmat qilmoqda.