“O‘zbekko‘mir” aksiyadorlik jamiyatida mahsulot ishlab chiqarishni mahalliylashtirish bo‘yicha o‘tgan yillarga nisbatan o‘sish suratlari 2024-yilda sezilarli darajada yuqori bo‘ldi.
 

Investitsiyalarni jalb qilish, sanoatni rivojlantirish va savdoni tartibga solish masalalari bo‘yicha Hukumat komissiyasining 2024-yil 3-maydagi 61-son bayonining 1-ilovasiga asosan, “O‘zbekko‘mir” AJning mahalliylashtirish dasturi 5 341,0 mln. so‘m qiymatida belgilangan.

Dastur doirasida yanvar-dekabr oylarida 37 ta loyiha bo‘yicha 5 719,0 mln.so‘mlik mahsulotlar ishlab chiqarilib, prognoz 107 foizga bajarildi. O‘tgan yilning mos davriga nisbatan o‘sish suratlari 103 foizni, import o‘rnini bosish samaradorligi 446,7 ming dollarni tashkil qildi.

Yangi loyihalar asosda, jumladan, 120 kub metr hajmidagi ikkita  lentali qabul qiluvchi bunker, konveyer lentasi uchun 250 dona qirg‘ich (skrebok), 171 dona yer osti koni qirg‘ichli konveyeri uchun yo‘naltiruvchi, elektrovoz motorining o‘qi uchun 140 dona sirpanuvchi podshipnik, harakatlanuvchi tarkib uchun tormozlash quyma 584 dona kolodka  ishlab chiqarildi.

Tayyor mahsulotlar, butlovchi buyumlar va materiallar ishlab chiqarishni mahalliylashtirishni chuqurlashtirishda sanoat kooperatsiyasi ham katta ahamiyatga ega.

Jamiyatda bu borada ham amaliy ishlar olib borilmoqda. Jumladan sanoat kooperatsiyasi asosida yanvar-dekabr oylarida mahalliy ishlab chiqaruvchi korxonalardan 36,7 mlrd.so‘m mahsulotlar xarid qilindi. Bu bilan 2,8 mln. dollarlik import o‘rni qoplandi. Jumladan, “QUYOSHCHA NURI” MChJdan  ekskavator kovsh tishlari, “IMAGINE” MChJdan yong‘in o‘chiruvchi maxsus avtomobil, “MAXAM UZBEKISTAN” va  “FIRALIT” MChJlaridan kon ochish ishlarida foydalaniladigan portlatish vositalari sotib olindi.  

Shuningdek, yil davomida mahalliy ishlab chiqaruvchilar bilan jamiyat tomonidan avval import qilingan 2 625,7 mln.so‘mlik mahsulotlar shatakka olish tizimi orqali o‘zlashtirildi. Jumladan, “HYDRO COMPONENT” MChJ tomonidan yanvar-dekabr oylarida turli o‘lchamdagi yuqori bosimli shlanglar, “SREDAZPODSHIPNIK” MChJ  hamda “CARBON POLYMER” MChJ tomonidan tomonidan turli o‘lchamlardagi  podshipniklar ishlab chiqarildi va import o‘rni qoplandi.

Mahalliy mahsulotlar va ehtiyot qismlarning afzalliklari shundaki, ular mahalliy sharoitlarda sinovdan o‘tgan. Qolaversa, ishlab chiqaruvchilar bilan muammolarni joyida oson kechadi. Bunday mahsulotlar bo‘yicha jamiyatimiz tomonidan taklif yoki e’tiroz paydo bo‘lsa, mahalliy ishlab chiqaruvchilar ularning tuzilishiga, shakliga yoki tarkibiga o‘zgartirish kiritgan holda qayta tayyorlab berishlari mumkin.
 

Amirxon Mamatov,

“O‘zbekko‘mir” AJ tashqi va ichki xaridlar boshqarmasi yetakchi mutaxassisi