Аномал совуқ кунларда кончиларимиз қандай ишладилар?
Nashr qilingan sana: 02.02.2023 07:42:01
Қиш фаслининг инжиқлигига қарамай, "Ангрен кўмир кони" филиали кончилари январь ойида кўмир қазиб олиш ва жўнатиш бўйича яхши натижаларни кўрсатди.
– Бу қиш жуда қаттиқ келди, ёғингарчилик кўп бўлди. Бу кон устки қатламини очиш ишларини мураккаблаштириб юборди, ‒ дейди “Ангрен кўмир кони” филиали техник бўлими етакчи мутахассиси Зайниддин Ашурматов. ‒ Январь ойидаги аномал совуқ кунларда кон техникаси ва жиҳозлари кўп ишдан чиқди, таъмирчилар бригадалари носозликларни бартараф этиш учун туну кун ишлашга мажбур бўлдилар.
Об-ҳаво қийинчиликларига қарамай, конда кўмир қазиб олиш ва юклаб юбориш ишлари бир маромда ушлаб туришга эришилди. Буларнинг барчаси экскаватор машинистлари, автосамосваллар ҳайдовчилари ва кон ишчиларининг фидокорона меҳнати туфайли бўлди.
Фарҳод Абдиев раҳбарлик қилаётган 2-бўлим экскаватор бригадасининг машинистлари Нурулло Мирзаҳмедов, Асқар Турдалиев, Шерзод Эрматов, Фозил Мирсоатовлар аномал совуқ кунлари айниқса жонбозлик кўрсатиб меҳнат қилдилар. Умид Шерматов, Нодир Ҳатамов, Мурод Маҳкамов, Муҳриддин Мингбоев, Аъзам Эшонқулов, Абдували Мирзаноровдан иборат қўшни, 1-бўлимнинг эксаваторлар бригадасининг ишлари ҳам таҳсинга сазовор.
Аномал совуқ кунлари “Шахта усулида кўмир қазиб олиш” филиали кончилари ҳам ишлаб чиқаришнинг камайиб кетишига йўл қўйганлари йўқ.
– Бизда кўмир қазиб олиш ва жўнатиш бўйича ойлик кўрсаткичлар ҳамиша юқори бўлди, ‒ дейди Ер ости кон транспорти бўлими бошлиғи Алишер Мақсудов, – Тўғри, шахтада об-ҳаво иссиқ-совуқлигининг унча аҳамияти йўқ. Аммо кончилар ишга келиш-кетишда анча қийналдилар, ер устки қисмида ишловчи ходимларимизга ҳам осон бўлмади. Аммо биз об-ҳаво инжиқликларини енгиб ўтдик.
Филиал кончилари январь ойида 4753 тонна кўмирни ёпиқ усулда қазиб олдилар, режа 102,0 фоизга бажарилди.
Февраль ойида совуқ об-ҳаво чекинди. Бироқ баҳоргача бир ой вақт бор, қиш эса ҳали давом этмоқда. Биз қишин-ёзин, туну кун тиним билмай фидокорона меҳнат қилаётган ва элу юртни иссиқлик, ёруғлик билан таъминлашдек шарафли ишга муносиб ҳисса қўшаётган кончиларимизга ҳорманг, ишларингиз бароридан келаверсин деймиз.
Диана АНДРЕЕВА
Oxirgi yangiliklar:
Angren – mehnat, jasorat va taraqqiyot shahri
Joriy yil 13-iyun kuni Angren shahri o‘zining qutlug‘ 80 yilligini nishonlaydi. Ayni kunlarda shahar bayram nafasi bilan yashamoqda. Ko‘chalaru xiyobonlarda obodonlas...
O'qish
“O‘zbekko‘mir”: hajm emas, sifat ustuvor – qazib olish siyosati yangilanmoqda
“O‘zbekko‘mir” aksiyadorlik jamiyatida ko‘mir qazib olish hajmining o‘tgan yilga nisbatan qisqartirilishi ayrim media faollarida turli savol va muhokamalarni ke...
O'qish
“O‘zbekko‘mir” AJ xalqaro ekologik ko‘rgazmada ishtirok etdi
2026-yil 2–4-iyun kunlari Samarqand shahrida Global ekologik jamg‘armaning 8-assambleyasi hamda “Eco Expo Central Asia – 2026” xalqaro ko‘rgazmasi bo‘lib o‘tdi. Mazku...
O'qish
Ko‘mir sanoatini rivojlantirish uchun yangi imkoniyatlar ochilmoqda
Ko‘mir narxiga bozor mexanizmlarini joriy etish haqidagi taklif ma’qullandi. Bu, aslida, davr talabi. Chunki har qanday sohada bo‘lgani kabi, ko‘mir sanoatida ham ishl...
O'qish