Аҳолига мўлжалланган маҳаллий кўмир қандай бўлади?
Nashr qilingan sana: 24.01.2023 02:51:23Ижтимоий тармоқда Самарқанд вилояти Жомбой туманидаги кўмир омборида аҳолига бериладиган маҳаллий кўмирнинг 60-70 фоизи кукундан иборатлиги, аҳолига тарқатишдан аввал кўмирнинг йирик бўлаклари териб олиниши айтилган видеолавҳа тарқалди.
Ушбу видеолавҳа юзасидан “Кўмир таъминот” МЧЖ Самарқанд вилояти филиали раҳбари вазифасини вақтинча бажарувчи И.Қаршиев имзоси билан қуйидаги жавоб хати олинди. Унда жумладан шундай дейилади:
‒ Видеолавҳадаги ҳолат филиалимиз мутасаддилари томонидан ўрганиб чиқилди. Аммо аксарият қисми кукундан иборат кўмир олган харидорнинг исми-шарифи, манзили кўрсатилмагани учун масалани ижобий ҳал этишнинг, яъни ҳақиқатдан ҳам сифатсиз кўмир берилган бўлса, уни алмаштириб беришнинг алмаштириб беришнинг иложи бўлмади.
Видеолавҳага илова қилинган “Аҳолига тарқатишдан аввал кўмирнинг йирик бўлаклари териб олинади” деган гаплар ҳам асоссиз. Сабаби, “Кўмир таъминот” МЧЖ Самарқанд вилояти кўмир омборларига темир йўл орқали кириб келаётган кўмир вагонлари туман туман ва шаҳар сектор раҳбарларининг қатъий назоратида қабул қилиб олинади ва маҳаллабай тарзда белгиланган тақсимотларга асосан ҳудудий кўмир омборлари ва савдо шахобчалари орқали манзилли тарқатилмоқда.
Аҳолига мўлжалланган маҳаллий кўмир фракцияси, унинг сифат гувоҳномасига кўра 0-500 мм.ни ташкил этади. Яъни улар майда-йирик таркибдан иборат бўлади. Таклиф этилаётган бундай фракцияли кўмир ёқмаса, харидор уни сотиб олишни рад этиши ва кейинги партияни кутиши мумкин. Кўмир омбори маъмурияти омбордан ташқаридаги кўмирнинг сифатига жавоб бермайди.
Маълумот ўрнида шуни қўшимча қиламизки, айни кунларда “Кўмир таъминот” Самарқанд вилояти филиалига қарашли 8 та ҳудудий кўмир омборлари ва 4 та савдо шахобчаси мунтазам ишлаб турибди. Улар томонидан 2022/2023 йиллар куз-қиш мавсуми учун аҳолига 110,5 минг тонна (94%) манзилли ва маҳаллабай тарзда кўмир тарқатилди. Бу иш жорий йилнинг март ойи якунига қадар давом этади.
“Ўзбеккўмир” АЖ Ахборот хизмати
Izohlar
Oxirgi yangiliklar:

“Men qutqaruvchiman” musobaqasi o‘tkazildi
11-iyul kuni “O‘zbekko‘mir” AJga qarashli Ohangaron tumanida joylashgan “Koinot” bolalar sog‘lomlashtirish oromgohida bolalarning vaqtini mazmunli tashkil etish ma...
O'qish
Milliy liboslar kuni: an’ana va g‘urur uyg‘onishi
O‘zbek xalqi azaldan o‘z milliy urf-odatlari, kiyinish madaniyati, hunarmandchiligi bilan ajralib turgan. Ayniqsa, milliy liboslar ‒ xalqimizning tarixi, didi va o‘zl...
O'qish
Korrupsiyaga qarshi murosasiz kurash — barchamizning burchimiz!
“O‘zbekko‘mir” AJ bosh direktori N.U. Dusmatovning videomurojaati Korrupsiyaga qarshi murosasiz kurash — barchamizning burchimiz! ✅ “O‘zbekko‘mir” AJ jamoasi si...
O'qish
Yot g‘oyalarga qarshi mafkuraviy immunitet ‒ asosiy vazifamiz!
“O‘zbekko‘mir” aksiyadorlik jamiyatida diniy ekstremizm, radikalizm va aqidaparastlik kabi yot g‘oyalarga qarshi ma’naviy-ma’rifiy kurashish, sog‘lom fikrli avlodni t...
O'qish