Arzonlashtirilgan ko‘mir MFYlar taqdim etgan ro‘yxat asosida tarqatiladi
Nashr qilingan sana: 07.12.2023 06:48:50#Telegrambotgamurojaat
“O‘zbekko‘mir” AJ telegram botiga Xorazm viloyati Shovot tumani Kangli mahallasi Najmiddin Kubro ko‘chasi 7-uyda yashovchi Mansur Masharibovdan Shovot tumanidagi ko‘mir shoxabchasi bo‘yicha murojaat kelib tushdi. Murojaatda ko‘mir sifati va aholiga qay tartibda tarqatilishi, narxi haqida so‘ralgan.
Ushbu murojaat yuzasidan “Ko‘mir ta’minot” MCHJ Xorazm viloyati filiali rahbari K.Jumaniyozovning ma’lumot berishicha, Shovot tumani ko‘mir ombori tomonidan ko‘mir yoqilg‘isiga ehtiyoji bo‘lgan 12287 xonadonga 2023-2024-yillar kuz-qish mavsumi uchun reja bo‘yicha 12 ming 826 tonna qattiq yoqilg‘i ajratilgan bo‘lib, joriy yilning 6-dekabr holatiga shundan 10 ming 270 tonnasi tarqatilgan.
Ko‘mir mahsuloti mahalla fuqarolar yig‘inlari taqdim etgan ro‘yxat asosida, mahalliy hokimlik tasdiqlagan reja-grafik asosida, MFY raislari ishtirokida tarqatilmoqda.
Eslatib o‘tamiz, murojaatchi M.Masharibov avvalroq, ya’ni 2023-yil 11-sentyabr kuni “O‘zbekko‘mir” AJ telegram botiga ko‘mirning sifati bo‘yicha e’tiroz bildirib yozgan edi. “Ko‘mir ta’minot” MCHJ Xorazm viloyati filiali rahbari K.Jumaniyozovning qo‘shimcha qilishicha, ushbu murojaat tezkor o‘rganilib, qanoatlantirilgan va M.Masharibov o‘zi va qizining oilasi uchun o‘sha kuni Shovot ko‘mir omboridan 4 tn. 830 kg miqdoridagi ko‘mir yoqilg‘isini imtiyozli narxda sotib olgan.
Ma’lumot uchun, aholi ehtiyojlariga 2023/2024-yillar kuz-qish mavsumi uchun tarqatilayotgan ko‘mir mahsuloti 2BZR markali bo‘lib, sifat guvohnomasiga ko‘ra, bo‘laklar o‘lchami - 25- 500 mm., namligi - 35 foizgacha, kulchanligi - 17 foizgacha, tarkibida 25 mm.dan ziyod o‘lchamdagi mineral aralashmalari bo‘lgan bo‘laklar 2 foizgacha, maydalar miqdori 20 foizdan oshmasligi kerak.
O‘zbekiston Respublikasi Vazirlar Mahkamasi huzuridagi idoralararo tarif komissiyasining 2023-yil 27-oktyabrdagi 18-sonli yig‘ilish bayoniga asosan 2023-yil 15-noyabr kunidan aholi uchun 1 tonna mahalliy ko‘mir mahsuloti narxi 309 800 (uch yuz to‘qqiz ming sakkiz yuz) so‘mni tashkil qiladi.
“O‘zbekko‘mir” AJ Axborot xizmati
Izohlar
Temirov Shoxjaxon Xayrullo o'g'li
10.07.2025 15:11:49Oxirgi yangiliklar:
O‘quv markazi – milliy liboslar bilan
Milliy liboslar kuni munosabati bilan “O‘zbekko‘mir” aksiyadorlik jamiyati qoshidagi O‘quv markazi jamoasi ham ushbu tashabbusni qo‘llab-quvvatladi va bugungi ish kun...
O'qish
Energiya samaradorligi – strategik vazifa
“O‘zbekko‘mir” AJda energiya resurslarini tejash va yo‘qotishlarni kamaytirish masalalariga bag‘ishlangan yig‘ilish bo‘lib o‘tdi. Jamiyat bosh direktori o‘rinbosar...
O'qish
Xodimlar fikri: halollik, adolat va korrupsiyaga munosabat – raqamlarda
“O‘zbekko‘mir” AJning https://t.me/uzbekcoaluz Telegram ijtimoiy tarmog‘i orqali 2025-yil 15-19-iyul kunlari o‘tkazilgan anonim so‘rovnomada ishtirok etgan xodimlar:...
O'qish
Jamiyatda halollikni ta’minlash – barchamizning burchimiz!
Korrupsiya masalasi dunyo miqyosida hal etilishi lozim boʻlgan global muammolardan biridir. Bu muammo har qanday davlat va jamiyatning ijtimoiy-siyosiy va iqtisodiy...
O'qish