Бош бухгалтерлар малака оширмоқдалар
Publication date: 11.11.2021 01:29:07“Ўзбеккўмир” акциядорлик жамиятида бош бухгалтерлар ва мутахассислар учун “Молиявий ҳисоботнинг халқаро стандартлари (МҲХС) асослари” бўйича тренинглар ташкил этилмоқда.
Акциядорлик жамиятлари, тижорат банклари, суғурта ташкилотлари ва йирик солиқ тўловчилар тоифасига киритилган юридик шахслар 2021 йил 1 январдан бошлаб, МҲХС асосида бухгалтерия ҳисоби юритилишини ташкил этади ва 2021 йил якунларидан бошлаб молиявий ҳисоботни МҲХС асосида тайёрлайди.
Ўзбекистон Республикаси Президентининг “Молиявий ҳисоботнинг халқаро стандартларига ўтиш бўйича қўшимча чора-тадбирлари тўғрисида” 2020 йил 24 февралдаги 4611-сонли қарори асосида акциядорлик жамиятлари, тижорат банклари, суғурта ташкилотлари ва йирик солиқ тўловчилар тоифасига киритилган юридик шахслар бош бухгалтерлари ҳамда мутахассислари МҲХС курсларида ўқитилмоқда. "Ўзбеккўмир” акциядорлик жамиятида Бош директор Владимир Кузнецовнинг соҳа ходимларини МҲХС курсларида жамият ҳисобидан ўқитиш бўйича 2021 йилнинг 11 февралида 66-сонли буйруқ тасдиқланди ва тегишли равишда ўтказилган конкурс натижасида ғолиб бўлган “Account Audit Trading” нодавлат таълим муассасаси томонидан шу йилнинг 26 октябридан ўқиш жараёнларини бошлаб юборилди.
“Ўзбеккўмир” АЖнинг филиаллари Ангрен шаҳрининг турли жойларида жойлашгани ҳамда карантин чоралари эътиборга олинган ҳолда, ўқиш жараёни 11 филиал ва ижро аппаратидан жами 50 нафар бухгалтер жамият ижро аппарати биносининг қулай шароитларга эга бўлган мажлислар залида олиб борилмоқда.
“Account Audit Trading” нодавлат таълим муассасасининг маҳоратли тренери Шахло Умарова томонидан олиб борилаётган “Замонавий бухгалтерия ҳисоби” номли ўқув курси икки ойга мўлжалланган бўлиб, 26 декабрга қадар давом этади.
− Ҳафтанинг душанба ва чоршанба кунлари уч соатдан ўзбек ва рус тилларида ўтилаётган ўқиш жуда қизиқарли ва фойдали кечмоқда. Биз МҲХС ва молия соҳаси бўйича ўз билимларимизни оширмоқдамиз, раҳбарлар, инвесторлар ва акционерлар учун молиячилар тилида маълумотларни тақдим этишни ўзлаштраяпмиз, мустақил равишда МҲХС асосида бухгалтерия баланси, фойда ёки зарар тўғрисида ҳисобот тайёрлаш ва бошқа шу каби хусусиятга эга бўлган масалаларни ўрганиш имконига эга бўлмоқдамиз, − дейди “Энергия ва телекоммуникация тармоқлари” филиали бош бухгалтери Барно Юсупова.
Ўқув-тренинг натижаларига кўра, ижро аппарати, филиаллар бухгалтерлари ва мутахассислари синов имтиҳони топширишади ҳамда ижобий кўрсаткичларга эришганлар бошқа МҲХС курсларида таҳсил олиш имкониятига эга бўладилар.
Нигора Саматова,
“Ўзбеккўмир” АЖ ижро аппарати катта молиячиси
Comments
Latest news
May our country always be peaceful and our people prosperous!Ikkinchi jahon urushi qatnashchilari hamda ko‘mir sanoati mehnat faxriylariga “O‘zbekko‘mir” AJ Bosh direktori Dusmatov Nodirbek Uktamjanovichning bayram tabrigi Hurmatli urush veteranlari va ko‘mir sanoati mehnat faxriylari! Sizlarni 9 may – Xotira va qadrlash kuni hamda Ikkinchi jahon urushida qozonilgan Gʻalabaning 80 yilligi bilan chin qalbimdan samimiy tabriklayman! Biz bugungi ozod va erkin hayot uchun aziz jonini ayamasdan kurashgan ota-bobolarimiz, front ortida mashaqqatli mehnat qilib, g‘alabaga beqiyos hissa qo‘shgan hamyurtlarimizning yorqin xotirasi oldida hamisha bosh egamiz. Shafqatsiz urushda, mashaqqatli mehnat frontida mardlik va jasorat ko‘rsatgan, urushdan keyingi tinch qurilish yillarida O‘zbekiston ko‘mir sanoatini yo‘lga qo‘yish va rivojlantirishga ulkan hissa qo‘shgan faxriy konchilarimizga yuksak hurmat va ehtirom bajo keltiramiz. Bugungi dorilomon kunlar uchun shukrona aytib, Vatan ozodligi va xalq farovonligi uchun kurashgan qahramonlar haqida gapirar ekanmiz, tabarruk Ona siymosi ko‘z o‘ngimizda namoyon bo‘ladi. Chunki el-yurt himoyasini or-nomus ishi deb biladigan mard va botir o‘g‘lonlarni voyaga yetkazgan ulug‘ zot – onadir. Ko‘mir sanoatining rivojlanishiga o‘z hayotida munosib hissa qo‘shgan ko‘plab o‘g‘lonlarni ham dunyoga keltirgan va voyaga yetkazgan onalardir. Oldimizga qo‘yilgan ulkan maqsadlarga erishishda faxriylarimizning jasorati, shonli an’analari, hech shubhasiz, biz uchun hamisha ibrat bo‘lib xizmat qiladi. Ayniqsa, Sizlar barcha ishlarimizda dono maslahatgo‘y, tog‘dek tayanch bo‘lib, duolaringiz bilan madad berib kelmoqdasiz. Va biz buni yuksak qadrlaymiz, sizlar bilan cheksiz faxrlanamiz! Fursatdan foydalanib, barchangizga sihat-salomatlik, baxt-saodat, xonadonlaringizga qut-baraka tilayman. Yurtimiz hamisha tinch, xalqimiz yanada farovon bo‘lsin!
Congratulatory Message from Dusmatov Nodirbek Uktamjanovich, General Director of "O‘zbekko‘mir" JSC, to World War II Veterans and Coal Industry Labor Veterans Dear war...
Read
