Дарахт экиш бўйича “долзарб 40 кунлик” эълон қилинди
Nashr qilingan sana: 06.11.2021 09:09:44“Ўзбеккўмир” акциядорлик жамиятида 5 ноябрдан бошлаб “Яшил макон” умуммиллий лойиҳасини амалга оширишга ҳисса қўшиш мақсадида “Дарахт экиш бўйича зарбдор 40 кунлик” эълон қилинди.
Хабарингиз бор, 2 ноябрь куни Ўзбекистон Президенти Шавкат Мирзиёев раислигида аҳолини сифатли уй-жой билан таъминлаш, “Янги Ўзбекистон” массивларини барпо этиш, шаҳарлар, туман марказлари ҳамда аҳоли пунктларида экологик вазият ва ҳаво тозалигини яхшилаш мақсадида “Яшил макон” умуммиллий лойиҳасини амалга ошириш масалаларига бағишланган видеоселектор йиғилиши бўлиб ўтган ва долзарб вазифалар белгилаб олинган эди.
“Яшил макон” умуммиллий лойиҳаси доирасида йилига 200 миллион туп дарахт ва бута кўчатларини экиш ва шу орқали шаҳарлардаги яшил майдонларни амалдаги 8 фоиздан 30 фоизга ошириш режалаштирилган. Хусусан, Тошкент вилоятида – 16 миллион туп кўчат экилади.
“Ўзбеккўмир” АЖ тизимидаги кўмир саноати корхоналарида экологик муҳитни янада яхшилаш, ходимларнинг саломатлигини сақлаш ва “Яшил макон” умуммиллий лойиҳасини амалга оширишда фаол иштирок этишларини таъминлаш мақсадида “Ўзбеккўмир” АЖ маъмурияти ва Бирлашган касаба уюшмаси қўмитаси жамият филиалларида жорий йилнинг 10 декабригача қадар дарахт экиш бўйича “долзарб 40 кунлик” эълон қилиш тўғрисида қўшма қарор қабул қилди.
Қўшма қарорга кўра, жамият тизимидаги филиаллар раҳбарлари ҳар бир ишчи-ходим ҳисобига камида 5 тупдан манзарали ва мевали дарахт кўчатларини экиш ишларини таъминлайди.
Шу мақсадда дарахт кўчатлари экиладиган майдонлар ҳажми ва манзили, дарахтлар сони ва тури ҳамда уларни суғориш усули кўрсатилган тарзда 4 ноябрдан 10 декабрга қадар мўлжалланган жадвал ишлаб чиқилди ва филиалларга қуйидаги тақсимот бўйича дарахт кўчатларини харид килиш ва етказиб беришни ташкиллаштирилади:
“Ангрен кумир кони” филиалига − 1600 дона,
“Темир йўл транспорти” филиалига − 1600 дона,
“Автомобиль ва технологик транспорт” филиалига − 1000 дона,
“Шахта усулида кўмир қазиб олиш” филиалига − 600 дона,
“Энергия ва телекоммуникация тармоқлари” филиалига − 500 дона,
“Қурилиш-монтаж ишлари”, “Капитал қурилиш” ва “Геология-кидирув экспедицияси” филиалларига − 800 дона,
“Моддий техника таъминоти ва ижтимоий соха” филиалига − 2000 дона (“Коинот” оромгоҳига, умумтураржой бинолари ҳамда профилактория ҳудуди),
“Апартак кўмир кони” филиалига − 600 дона,
“Тоғ-кон ускуналарини созлаш заводи” филиалига − 600 дона,
Бошқарув аппаратига − 300 дона.
Ҳудудларда экилган дарахтларни парвариш қилиш, суғориш, озиқлантириш ва зараркунадалардан ҳимоя қилишни ташкиллаштириш филиаллар раҳбарлари, касаба уюшма қўмиталари раислари ва Ёшлар иттифоқи етакчилар кенгаши фаоллари зиммасида бўлади.
Белгилаб қўйилдики, “Яшил макон” умумиллий лойиҳаси доирасида дарахт кўчатларини харид қилиш ва экиш ишларини молиялаштириш “Ўзбеккўмир” АЖнинг маблағлари ҳисобидан амалга оширилади.
Izohlar
Oxirgi yangiliklar:
![image](/images/FDCoUpiCe1dVr0adUxMtbBwclnWLTg8eoSXGPgKE.jpg)
Diqqat: “BelAZ” va “Komatsu” samosvallari haydovchilari kerak!
“O‘zbekko‘mir” aksiyadorlik jamiyati “BelAZ” hamda “KOMATSU” avtosamosvallarini boshqarish uchun yuqori malakali haydovchilarini ishga taklif qiladi. Aksiyadorlik jam...
O'qish![image](/images/YgCS6vu3sAPdGJVCvsBGoUcvTb0TaNld5z4COand.jpg)
“Koinot” oromgohi mavsumning 2-navbatini boshladi
Bugun “O‘zbekko‘mir” AJ xodimlari farzandlarining navbatdagi katta bir guruhi "Koinot" bolalar yozgi sog‘lomlashtirish oromgohiga mavsumning ikkinchi navbatida dam olish...
O'qish![image](/images/fTeVIHq6DX8J5HGShg6IQqh3CN2m2cwUSBCfLBxa.jpg)
“O‘zbekko‘mir AJ aksiyadorlari diqqatiga!
“O‘zbekko‘mir” aksiyadorlik jamiyati aksiyadorlarining navbatdan tashqari umumiy yig‘ilishi o‘tkazilishi to‘g‘risida XABARNOMA “O‘zbekko‘mir” AJ Kuzatuv kenga...
O'qish![image](/images/EKQMNTXlaCxglBC5p1VgiEESfWL6fTe2GTeFNJor.jpg)
“O‘zbekiston-2030” strategiyasi ijrosi muhokama qilindi
Kon-geologiya vazirligida “O‘zbekiston – 2030” strategiyasi ijrosi yuzasidan muhokama-munosabat tadbiri o‘tkazildi 2024-yil 28-iyunkuni Tog‘-kon sanoati va geologi...
O'qish