Yurtimizda yong‘in xavfsizligini ta’minlashga qaratilgan “Dolzarb 30 kun” profilaktik tadbirlari izchil olib borildi. Mazkur oylik doirasida “O‘zbekko‘mir” AJda ham bir qator amaliy ishlar tashkil etildi.

Jumladan, 2025 yil 17 iyun kuni Toshkent viloyati, Angren shahrida joylashgan “O‘zbekko‘mir” AJning “Avtomobil texnologik transporti” filialida maxsus-taktik o‘quv mashg‘uloti bo‘lib o‘tdi. Tadbir mazkur sohadagi favqulodda vaziyatlarga tayyorgarlikni mustahkamlash va xizmatlar o‘rtasidagi hamkorlikni sinovdan o‘tkazishga qaratildi.

Tadbir Toshkent viloyati va Angren shahar hokimining buyrug‘i hamda tasdiqlangan jadval asosida tashkil etildi. Mashg‘ulotda FVVning 53-Yong‘in-qutqaruv qismi, 2-Alohida harbiylashtirilgan kon-qut-qaruv vzvodi, ob’ektning fuqaro muhofazasi tuzilmalari va boshqa ixtisoslashgan guruhlar ishtirok etdi.

Uquv mashg‘uloti uch bosqichda o‘tkazildi:

1-bosqich: zilzila oqibatida “3-sonli avtosaroy” hududida “BelAZ” avtosamosvali tagida qolgan ishchiga birinchi tibbiy yordam ko‘rsatildi va qutqaruv ishlari olib borildi.

2-bosqich: “1-sonli avtosaroy” hovlisidagi avtosamosval yong‘ini tezkorlik bilan o‘chirildi. Jarohat olgan xodim tibbiy yordam xizmatiga topshirildi. Hududda tozalash va tik-lash ishlari amalga oshirildi.

3-bosqich: zilzila paytida ob’ekt binolaridan evakuatsiya guruhlari tomonidan qimmatbaho jihozlar va xodimlar xavfsiz joyga chiqarildi.

Mashg‘ulot yakunida davra suhbati tashkil etilib, ishtirokchilarga yong‘in xavfsizligi qoidalari, favqulodda holatlarda to‘g‘ri harakat qilish tartiblari haqida tushuntirishlar berildi.

Tadbir davomida  ishtirok-chilar o‘z bilim va ko‘nikmalari-ni mustahkamlab, FVV xizmatlari bilan hamkorlikda favqulodda vaziyatlarga tayyor turish bo‘yicha amaliy mashqlar-ni muvaffaqiyatli ado etdilar.

B. Turdaliev,

Toshkent viloyati, Angren shahar FVB boshlig‘i o‘rinbosari, mayor,

F. Yuldashev,

“O‘zbekko‘mir” AJ OYoXTTEB kichik inspektori,1-darajali serjant