Iste’molchilar ko‘mir sifatidan mamnun
Nashr qilingan sana: 22.10.2023 10:25:48Sovuq kunlar boshlanmoqda. Shu munosabat bilan “Ko‘mir ta’minot” mas’uliyati cheklangan jamiyatiga qarashli “Angren” ko‘mir ombori nihoyatda gavjum. Bu yerda xaridorlar ham yuk avtomashinalari ham ko‘pki, ayrim xaridor va haydovchilar va xaridorlarning besabrligidan ombor mudiri Muzaffar Ergashev, ochig‘i, asabiylasha boshlaydi. Ba’zilar navbatda turishni xohlamaydilar va tezroq ko‘mir olish uchun janjallasha boshlaydilar.
– Kunlar soviy borishi bilan hamma ko‘mir omboriga kelmoqda. Biroq yoqilg‘i oldindan tuzilgan ro‘yxat bo‘yicha beriladi. Bu jarayon sentyabr oyida boshlangan va dekabrda tugaydi. Har bir iste’molchi ikki tonna BZR ko‘mir olish huquqiga ega, . – deydi M.Ergashev.
Hozirgi kungacha iste’molchilar-ning asosiy toifalariga 9 ming 632 tonna ko‘mir tarqatildi. Shuning 4 ming 477 tonnasi ko‘mir korxonalari xodimlariga, 5 ming 155 tonnasi aholi uchun berildi. Mudirning ta’kidlashicha, “BZR” markali ko‘mir sifatli, katta fraksiyalarga ega, juda quruq va yaxshi yonadi. Hozircha ko‘mir bepul, xayriya asosida berilmayapti, balki shahar hokimligi shahar mahallalarida yashovchi kam ta’minlangan, ko‘p bolali oilalar, nogironlar va muhtoj fuqarolarning ro‘yxatini tez kunlarda yetkazar...
Har xil rusumdagi yuk mashinalari: “ZIL”, “GAZ”, “KamAZ”, “ISUZU” va hatto pikaplar bortiga ko‘mir yuklanishini kutib, saf tortadi. Yuklovchi mashina oldinga va orqaga yurib, mashina bortlarini yoqilg‘iga to‘ldiradi. Shundan so‘ng barcha mashinalar taroziga qo‘yiladi. Har birida roppa-rosa ikki tonna ko‘mir bo‘lishi kerak. Ortiqcha bo‘lsa olinadi, kam bo‘lsa qo‘shiladi.
– Har yili mahalliy ko‘mirni shu omborxonadan olaman, – deydi Nishbash mahallasida yashovchi Abdulqosim Nig‘matov. – Angren konida ishlab chiqarilayotgan mahsulotlar sifatli, deyarli hech qanday begona jinslar yo‘q, eng muhimi, hajmi katta. Ushbu turdagi ko‘mir yaxshi yonadi va yetarli darajada issiqlik hosil qiladi. Pensioner va sobiq ko‘mir konchisi sifatida meni hech qachon rad etishmaydi. Ombor mudiri Muzaffar Ergashev va uning jamoasiga ish samaradorligi uchun rahmat!
– Ombordan zarur ko‘mirni sotib olganimdan xursandman, – deya qo‘shimcha qiladi Qoraxtay qishlog‘ida yashovchi Xolida Burliyeva. – Men ham bir necha yil ketma-ket ombordan olaman. Sifati va miqdori bo‘yicha e’tirozim yo‘q. Chiroyli ortib berishayapti. Rahmat, konchilar va ta’minotchilarga!
Dinara ISLOMOVA
Izohlar
Oxirgi yangiliklar:
![image](/images/FDCoUpiCe1dVr0adUxMtbBwclnWLTg8eoSXGPgKE.jpg)
Diqqat: “BelAZ” va “Komatsu” samosvallari haydovchilari kerak!
“O‘zbekko‘mir” aksiyadorlik jamiyati “BelAZ” hamda “KOMATSU” avtosamosvallarini boshqarish uchun yuqori malakali haydovchilarini ishga taklif qiladi. Aksiyadorlik jam...
O'qish![image](/images/YgCS6vu3sAPdGJVCvsBGoUcvTb0TaNld5z4COand.jpg)
“Koinot” oromgohi mavsumning 2-navbatini boshladi
Bugun “O‘zbekko‘mir” AJ xodimlari farzandlarining navbatdagi katta bir guruhi "Koinot" bolalar yozgi sog‘lomlashtirish oromgohiga mavsumning ikkinchi navbatida dam olish...
O'qish![image](/images/fTeVIHq6DX8J5HGShg6IQqh3CN2m2cwUSBCfLBxa.jpg)
“O‘zbekko‘mir AJ aksiyadorlari diqqatiga!
“O‘zbekko‘mir” aksiyadorlik jamiyati aksiyadorlarining navbatdan tashqari umumiy yig‘ilishi o‘tkazilishi to‘g‘risida XABARNOMA “O‘zbekko‘mir” AJ Kuzatuv kenga...
O'qish![image](/images/EKQMNTXlaCxglBC5p1VgiEESfWL6fTe2GTeFNJor.jpg)
“O‘zbekiston-2030” strategiyasi ijrosi muhokama qilindi
Kon-geologiya vazirligida “O‘zbekiston – 2030” strategiyasi ijrosi yuzasidan muhokama-munosabat tadbiri o‘tkazildi 2024-yil 28-iyunkuni Tog‘-kon sanoati va geologi...
O'qish