Konchi-yoshlar kuchli uchlikdan joy oldi
Nashr qilingan sana: 24.02.2025 14:21:53
“O‘zbekko‘mir” aksiyadorlik jamiyati yoshlari 21-23-fevral kunlari Bo‘stonliq tumanidagi “Quyoshli” bolalar sog‘lomlashtirish oromgohida “Chimgan Challenge – 2025” qishki sport festivali doirasida o‘tkazilgan sport o‘yinlarida sovrinli o‘rinlarni qo‘lga kiritdi.
Ushbu festival har yili an’anaviy tarzda tashkil etib kelinmoqda va unda mamlakatimizdagi barcha vazirliklar, yuqori turuvchi respublika tashkilotlarida faoliyat yuritayotgan 150 nafarga yaqin sport targ‘ibotchilari ishtirok etdi. “O‘zbekko‘mir” AJ Yoshlar ittifoqi yetakchilar Kengashi raisi Davron Abdurahmonov boshliq korxonamiz yoshlari bu galgi tadbirda har qachongidan ham faol qatnashdilar.
Festival kun tartibi bo‘yicha birinchi kuni o‘tkazilgan o‘quv-seminarda Sport vaziri maslahatchisi Sharifjon Mo‘minjonov, tegishli tarkibiy tuzilmalar boshliqlari Davlatimiz rahbari tomonidan aholi o‘rtasida sportni ommalashtirish borasida ilgari surilgan tashabbuslarning mazmun-mohiyati tadbir ishtirokchilariga tushuntirildi.
‒ Festival doirasida ikkinchi kuni jamoaviy sport o‘yinlari bo‘lib o‘tdi, – deydi Davron Abdurahmonov. – Unda jamiyatimiz yoshlari sportning futbol, mini-futbol, voleybol, streetbol kabi turlari bo‘yicha bellashuvlarda o‘z mahoratlarini yaqqol namoyish qildilar.
Yakunda hakamlarimiz tomonidan g‘oliblar e’lon qilindi. Davron Abdurahmonov, Xolmurod Izzatullayev, Behruz Madaliyevlardan iborat “O‘zbekko‘mir” AJ yoshlar jamoasi voleybol, futbol va streetbol o‘yinlarida sharfli 2- va 3-o‘rinlarni qo‘lga kiritdi va umumjamoa hisobidan kuchli uchlikdan joy oldi.
Izohlar
Oxirgi yangiliklar:

O‘zbek milliy liboslari juda yorqin, chiroyli, qulay
Haftaning har juma kuni “O‘zbekko‘mir” aksiyadorlik jamiyatda xodimlar milliy liboslarni keng targ‘i qilmoqdalar. Bugun, 4-aprel kuni ham Jamiyat ijro ap...
O'qish
Toshkentda “Karyera kuni” mehnat yarmarkasi bo‘lib o‘tdi
Bugun, 4-aprel kuni Toshkent davlat texnika universitetining “O‘zbekiston – Yaponiya” yoshlar innovatsiya markazida "Karyera kuni" mehnat yarmarkasi ta...
O'qish
“Nishbash ko‘mir” vakillari bilan uchrashuv
Joriy yilning 3-aprel kuni “O‘zbekko‘mir” aksiyadorlik jamiyatida “Nishbash ko‘mir” MCHJ XK vakillari bilan uchrashuv bo‘lib o‘tdi. Tadbir “Angren ko‘mir koni” f...
O'qish
Jamoa shartnomasi muhokamasi
Jamoa shartnomasi muhokamasi “O‘zbekko‘mir” aksiyadorlik jamiyatida Jamoa shartnomasiga kiritiladigan qo‘shimcha va o‘zgartirishlarga masalalariga bag‘...
O'qish