ВАТАНИМИЗ ТИНЧЛИГИ ВА ФАРОВОН ҲАЁТИМИЗ ШУКРОНАСИГА САМИМИЙ ҲУРМАТ БАЖО КЕЛТИРИЛДИ
Nashr qilingan sana: 09.05.2022 14:31:10Хотира ва қадрлаш куни муносабати билан “Ўзбеккўмир” акциядорлик жамияти вакилларидан иборат гуруҳ томонидан бугун “Мотамсаро она” ёдгорлиги пойига гулчамбар қўйилиб, Ватанимиз озодлиги, тинчлик ва фаровонлик йўлида жон фидо қилган юртдошларимиз хотирасига ҳурмат бажо келтирилди.
Ангрен шаҳри марказидаги Хотира хиёбонида бугун эрта тонгдан гавжум бўлди. Бу ерда ўрнатилган “Мотамсаро она” ёдгорлиги урушнинг бутун дарду ташвишлари, мудҳиш оқибатларини ўзида мужассам этган. Унда муштипар она сиймоси бежиз гавдалантирилмаган. Зеро, эл-юрт ҳимоячиларини тарбиялаб вояга етказган ҳам, урушнинг азоб-уқубатларини энг кўп тортган ҳам муштипар оналардир. Шу боисдан ҳам бугунги тинчлик ва дориломон кунларнинг қадрига етган ҳар бир уйғоқ қалбли инсон бу ерга ошиқади.
Не бахтки, бугун мамлакатимизда тинчлик ва осойишталик ҳукм сурмоқда. Эл саломат, кўнгилларда ҳаловат. 9 май – Хотира ва Қадрлаш куни бизни шу осуда ҳаётнинг қадрига етишга, барча халқлар билан дўст ва ҳамкор бўлиб, ёруғ келажак бунёд этишга даъват қилади.
Иккинчи жаҳон урушида Ўзбекистонимиздан 1 миллион 433 минг 230 нафар одам иштирок этди. 604 минг 52 нафар ҳамюртимиз уруш майдонларидан ногирон бўлиб қайтди, 450 мингдан ортиқ ватандошимиз эса қонли жангларда ҳалок бўлди. Уларни хотирлаш, ҳозирда ҳаёт бўлган уруш қатнашчилари ва ногиронларини қадрлаш, эҳтиром кўрсатиш халқимизнинг азалий қадриятларидандир.
Бугун эрта тонгдан Тошкент вилоятининг Ангрен шаҳри марказидаги Хотира хиёбони гавжум бўлди. Бу ерда ўртнатилган Мотамсаро она ёдгорлиги пойига гулчамбарлар қўйиш маросими ўтказилди.
Шу муносабат билан фахрий қоровул саф тортди.
Ҳарбий оркестр мусиқа садолари остида шаҳар ҳокимлиги, ҳудуддаги ҳарбий тузилмалар, ва ҳуқуқ-тартибот идоралари, кенг жамоатчилик вакиллари, нуронийлар ва ёшлар, давлат ва жамоат ташкилотларидан иборат гуруҳлар Ватанимиз тинчлиги ва фаровон ҳаётимиз шукронасига самимий ҳурмат бажо келтиришди.
“Ўзбеккўмир” акциядорлик жамияти бош директори Владимир Владимирович Кузнецов ва корхона вакиллари томонидан ҳам Мотамсаро она ёдгорлиги пойига гулчамбар қўйилди.
Маълумот учун, бугунги кунда Тошкент вилоятида жами 32 нафар Иккинчи жаҳон уруши қатнашчиси истиқомат қилади. Уларнинг олти нафари Ангрен шаҳрида яшайди. Байрам арафасида вилоят ва шаҳар ҳокимликлари вакиллари уларнинг хонадонларида бўлиб, давлатимиз раҳбарининг табригини ўқиб эшиттирди ҳамда бир марталик пул мукофоти ҳамда эсдалик совғаларини топширди.
Izohlar
Oxirgi yangiliklar:
![image](/images/FDCoUpiCe1dVr0adUxMtbBwclnWLTg8eoSXGPgKE.jpg)
Diqqat: “BelAZ” va “Komatsu” samosvallari haydovchilari kerak!
“O‘zbekko‘mir” aksiyadorlik jamiyati “BelAZ” hamda “KOMATSU” avtosamosvallarini boshqarish uchun yuqori malakali haydovchilarini ishga taklif qiladi. Aksiyadorlik jam...
O'qish![image](/images/YgCS6vu3sAPdGJVCvsBGoUcvTb0TaNld5z4COand.jpg)
“Koinot” oromgohi mavsumning 2-navbatini boshladi
Bugun “O‘zbekko‘mir” AJ xodimlari farzandlarining navbatdagi katta bir guruhi "Koinot" bolalar yozgi sog‘lomlashtirish oromgohiga mavsumning ikkinchi navbatida dam olish...
O'qish![image](/images/fTeVIHq6DX8J5HGShg6IQqh3CN2m2cwUSBCfLBxa.jpg)
“O‘zbekko‘mir AJ aksiyadorlari diqqatiga!
“O‘zbekko‘mir” aksiyadorlik jamiyati aksiyadorlarining navbatdan tashqari umumiy yig‘ilishi o‘tkazilishi to‘g‘risida XABARNOMA “O‘zbekko‘mir” AJ Kuzatuv kenga...
O'qish![image](/images/EKQMNTXlaCxglBC5p1VgiEESfWL6fTe2GTeFNJor.jpg)
“O‘zbekiston-2030” strategiyasi ijrosi muhokama qilindi
Kon-geologiya vazirligida “O‘zbekiston – 2030” strategiyasi ijrosi yuzasidan muhokama-munosabat tadbiri o‘tkazildi 2024-yil 28-iyunkuni Tog‘-kon sanoati va geologi...
O'qish