Yakshanba kuni mamlakatimiz bo‘ylab O‘zbekiston Respublikasi geologiya sohasi xodimlari kuni keng nishonlandi.

Kasb bayrami arafasida Kon-geologiya vaziri B.Islomovning Farmoyishiga asosan vazirlik va uning tizimidagi korxonalarda faoliyat yuritayotgan bir guruh faol geologlar faxriy yorliqlar bilan taqdirlandi.

Shu munosabat bilan “O‘zbekko‘mir” aksiyadorlik jamiyatida tantanali tadbir bo‘lib o‘tdi. Tadbirda jamiyat bosh direktori N.Dusmatov so‘zga chiqib, geologlarni kasb bayrami bilan samimiy muborakbod etdi. Shu bilan birga, ularning respublika mineral-xomashyo bazasini rivojlantirish, yer qa’rini o‘rganish hamda foydali qazilma konlarini ochishdagi xizmatlarini alohida e’tirof etdi va kelgusi faoliyatlarida omad va muvaffaqiyatlar tiladi.

Kasb bayrami munosabati bilan “O‘zbekko‘mir” aksiyadorlik jamiyati bo‘yicha Kon-geologiya vazirligining faxriy yorlig‘i bilan taqdirlangan geologlar:

1.  Amanbayev Muxammadjon Shamsiddin o‘g‘li — “Apartak ko‘mir koni” filiali bosh geologi

2.  Rustavelov Mirsaid Mirtemir o‘g‘li — “Angren ko‘mir koni” filiali gidrogeologi

3.  Avezov Baxtiyer Yadgarovich — “Geologiya qidiruv ekspedisiyasi” filiali burg‘ilash qurilmasi mashinisti

4.  Akkulov Sabir Tursunaliyevich — “Geologiya qidiruv ekspedisiyasi” filiali kompressor qurilmasi mashinisti

5.  Turatoshev Shoxsuvor Baxriddinovich — “Geologiya qidiruv ekspedisiyasi” filiali gidrogeologi