Korxonalarni tabiiy gazdan koʻmir yoqilgʻisiga oʻtkazish boʻyicha qoʻllanma yaratildi
Nashr qilingan sana: 18.05.2023 13:13:43"Oʻzsanoatqurilishbank" va "Oʻzsanoatqurilishmateriallari" uyushmasi hamkorligida sement, gʻisht va ohak ishlab chiqaruvchi korxonalarni tabiiy gazdan koʻmir yoqilgʻisiga oʻtkazish boʻyicha namunaviy uslubiy qoʻllanma ishlab chiqildi. Bu haqida uzdaily.uz elektron nashri xabar berdi.
(http://www.uzdaily.uz/uz/post/8039)Davlatimiz rahbarining joriy yil 16 fevraldagi "2023 yilda qayta tiklanuvchi energiya manbalari va energiya tejovchi texnologiyalarni joriy etishni jadallashtirish chora-tadbirlari toʻgʻrisida"gi qarori asosida ishlab chiqarish korxonalarini koʻmirga oʻtkazish boʻyicha tegishli tashkilotlarga topshiriqlar berildi.
250 ta korxonani faqat koʻmir yoqilgʻisi uchun qurilish materiallari ishlab chiqarish yoʻnalishiga oʻtkazish boʻyicha maqsadli ishlar yoʻlga qoʻyildi.
SEMENT, gʻisht va ohakni tabiiy gazdan koʻmirga oʻtkazish boʻyicha namunaviy qoʻllanma bu boradagi ishlardan biridir.
Qoʻllanmada tabiiy gazdan koʻmir yoqilgʻisiga oʻtish davridagi texnologik jarayonlar, zarur asbob-uskunalar va qurilmalar, modernizatsiya va rekonstruksiya qilish bosqichlari hamda koʻmir xom ashyosining xususiyatlari, uni toʻgʻri tanlash va undan samarali foydalanishga alohida eʼtibor qaratilgan.
Koʻmir yoqilgʻisidan foydalanishda xorij tajribasi, ilgʻor texnologiyalarni qoʻllash, shuningdek, ekologiya, atrof-muhit va mehnatni muhofaza qilish boʻyicha tavsiyalar berildi.
Tijorat banklari tomonidan mazkur yoʻnalishda taklif etilayotgan kreditlar haqida ham maʼlumotlar berildi.
Qoʻllanmaning elektron talqinini "Oʻzsanoatqurilishmateriallari" uyushmasining rasmiy veb-saytlari – uzsm.uz va "Oʻzsanoatqurilishbank" -sqb.uz dan yuklab olish mumkin.
Izohlar
Oxirgi yangiliklar:
“Angren” ko‘mir koni mehnat jamoalarida
Aprel oyi “Angren” ko‘mir konida muvaffaqiyatli kechdi. Tezkor ma’lumotlarga ko‘ra, bu yerda oy davomida 1 600,0 kubometr o‘rniga 1735,3 kubometr (135%) hajmida...
O'qishMavjud bo‘sh ish o‘rinlariga navbatdagi tanlov e’lon qilindi
“O‘zbekko‘mir” aksiyadorlik jamiyati o‘z korxonalaridagi mavjud ish o‘rinlariga navbatdagi tanlov e’lon qiladi. Talbagorlarga 99 kasb bo‘yicha 184 bo‘sh ish o‘rni takl...
O'qishKo‘mir ta’minoti: korrupsiyaning oldini olish – dolzarb vazifa
Yakunlagan kuz-qish mavsumida respublika aholi iste’molchilari va budjet tashkilotlariga har galgidan ko‘p ko‘mir mahsuloti yetkazib berildi. Bu borada yutuqlar bor,...
O'qish“Ayol qismati” filmi namoyish etilmoqda
“O‘zbekko‘mir” aksiyadorlik jamiyatda diniy terrorizm, aqidaparastlik kabi salbiy oqibatlarni keltirib chiqarayotgan harakatlarning oldini olish hamda ushbu salbiy oqiba...
O'qish