Bilimingiz ‒ nur, tajribangiz ‒ tayanch, mehnatingiz ‒ ibrat!
Nashr qilingan sana: 30.09.2025 10:09:25Hurmatli konchi-ustozlar, qadrlI murabbiylar!
Mamlakatimizda ulug‘ bayram ‒ O‘qituvchi va murabbiylar kuni munosabati bilan barchangizni aksiyadorlik jamiyatimiz jamoasi va shaxsan o‘z nomimdan samimiy muborakbod etaman!
Inson hayotida ilm chirog‘ini yoqqan, kasb sirlarini o‘rgatgan, halol mehnatga yo‘l ko‘rsatgan ustozning o‘rni beqiyos. Ayniqsa, mashaqqatli va mas’uliyatli bo‘lgan ko‘mir sanoati sohasida o‘z bilimi va boy tajribasini avlodlarga meros qilib qoldirayotgan muhtaram ustozlarimiz mehnatiga har qancha tahsin aytsak arzaydi.
Bugungi kunda Jamiyatimiz va uning tarkibidagi barcha korxonalarda amalga oshirilayotgan keng ko‘lamli ishlar, yoqilg‘i qazib olish jarayonlari, iqtisodiyot tarmoqlarini, aholi va ijtimoiy sohani sifatli yoqilg‘i bilan ta’minlashdagi barcha mehnat yutuqlarimiz – bu, avvalo Siz ‒ ustoz va murabbiylar salohiyati, bilim va tarbiyasining mahsulidir.
Sizlarning dono maslahatlaringiz, hayotiy tajribangiz va mehnatga bo‘lgan sadoqatingiz nafaqat bugungi kunda, balki kelajakda ham munosib vorislar yetishib chiqishiga zamin yaratadi.
“Ustoz – shogird” an’anasi yurtimizda qadimdan muqaddas hisoblanadi. Biz bu an’anani nafaqat saqlab qolamiz, balki yangi mazmun bilan boyitib, rivojlantirib boramiz. Jamiyatimiz qoshida faoliyat ko‘rsatayotgan o‘quv markazimizda yosh mutaxassislar tayyorlash va qayta tayyorlash uchun tashkil etilgan doimiy o‘quv mashg‘ulotlarining samaradorligini oshirish, filiallarda yosh mutaxassislarga konchilikning nozik sir-asrorlarini o‘rgatishda hamisha ustoz va murabbiylarimizga tayanamiz. Zero, har bir yuksak malakali texnik, mashinist, mutaxassis ortida unga yo‘l ko‘rsatgan, ish, mehnat odobini o‘rgatgan ustozning o‘rni bor.
Aziz ustozlar!
Sizlarni ulug‘ bayram – O‘qituvchi va murabbiylar kuni bilan yana bir bor chin qalbimdan muborakbod etaman!
Sizlarga sihat-salomatlik, xonadonlaringizga fayzu baraka, mehnat faoliyatingizda hamisha zafarlar, shogirdlaringizdan faxrlanarli natijalar tilayman.
Bilimingiz ‒ nur, tajribangiz ‒ tayanch, mehnatingiz ‒ ibrat!
Sizga ta’zimdamiz, ustozlar!
Hurmat bilan,
N.U. Dusmatov,
“Uzbekkomir” AJ Bosh direktori
Oxirgi yangiliklar:
Murojaatlar bilan ishlash: ochiqlik va samaradorlik ustuvor
Mamlakatimizda aholi bilan ochiq va samarali muloqotni ta’minlash davlat siyosatining ustuvor yo‘nalishlaridan biriga aylanib bormoqda. Xususan, O‘zbekiston Respublikasi...
O'qish
Yashil makon: biz ekkan teraklar ko‘kka cho‘zar bo‘y
Xabaringiz bor, mamlakatimizda haftaning har payshanba kuni rahbar va yoshlar kuni sifatida belgilangan. Joriy yilning 3-aprel kuni “Oʻzbekkoʻmir” AJda ana shu an’ana “Ya...
O'qish
“O‘zbekko‘mir” AJ: xarid tizimi to‘liq yangilanadi
“O‘zbekko‘mir” aksiyadorlik jamiyatida xarid jarayonlarini yanada ochiq, tushunarli va samarali qilish maqsadida xalqaro konsalting kompaniyasi – KPMG tomonidan keng qamr...
O'qish
“O‘zbekko‘mir” AJ: 2026-yil yanvar–mart yakunlari va transformatsiya jarayonlari
#Infografika “O‘zbekko‘mir” aksiyadorlik jamiyatida 2026-yil yanvar–mart oylari yakunlari hamda jamiyatda amalga oshirilayotgan transformatsiya jarayonlari h...
O'qish