Bilimingiz ‒ nur, tajribangiz ‒ tayanch, mehnatingiz ‒ ibrat!
Nashr qilingan sana: 30.09.2025 10:09:25Hurmatli konchi-ustozlar, qadrlI murabbiylar!
Mamlakatimizda ulug‘ bayram ‒ O‘qituvchi va murabbiylar kuni munosabati bilan barchangizni aksiyadorlik jamiyatimiz jamoasi va shaxsan o‘z nomimdan samimiy muborakbod etaman!
Inson hayotida ilm chirog‘ini yoqqan, kasb sirlarini o‘rgatgan, halol mehnatga yo‘l ko‘rsatgan ustozning o‘rni beqiyos. Ayniqsa, mashaqqatli va mas’uliyatli bo‘lgan ko‘mir sanoati sohasida o‘z bilimi va boy tajribasini avlodlarga meros qilib qoldirayotgan muhtaram ustozlarimiz mehnatiga har qancha tahsin aytsak arzaydi.
Bugungi kunda Jamiyatimiz va uning tarkibidagi barcha korxonalarda amalga oshirilayotgan keng ko‘lamli ishlar, yoqilg‘i qazib olish jarayonlari, iqtisodiyot tarmoqlarini, aholi va ijtimoiy sohani sifatli yoqilg‘i bilan ta’minlashdagi barcha mehnat yutuqlarimiz – bu, avvalo Siz ‒ ustoz va murabbiylar salohiyati, bilim va tarbiyasining mahsulidir.
Sizlarning dono maslahatlaringiz, hayotiy tajribangiz va mehnatga bo‘lgan sadoqatingiz nafaqat bugungi kunda, balki kelajakda ham munosib vorislar yetishib chiqishiga zamin yaratadi.
“Ustoz – shogird” an’anasi yurtimizda qadimdan muqaddas hisoblanadi. Biz bu an’anani nafaqat saqlab qolamiz, balki yangi mazmun bilan boyitib, rivojlantirib boramiz. Jamiyatimiz qoshida faoliyat ko‘rsatayotgan o‘quv markazimizda yosh mutaxassislar tayyorlash va qayta tayyorlash uchun tashkil etilgan doimiy o‘quv mashg‘ulotlarining samaradorligini oshirish, filiallarda yosh mutaxassislarga konchilikning nozik sir-asrorlarini o‘rgatishda hamisha ustoz va murabbiylarimizga tayanamiz. Zero, har bir yuksak malakali texnik, mashinist, mutaxassis ortida unga yo‘l ko‘rsatgan, ish, mehnat odobini o‘rgatgan ustozning o‘rni bor.
Aziz ustozlar!
Sizlarni ulug‘ bayram – O‘qituvchi va murabbiylar kuni bilan yana bir bor chin qalbimdan muborakbod etaman!
Sizlarga sihat-salomatlik, xonadonlaringizga fayzu baraka, mehnat faoliyatingizda hamisha zafarlar, shogirdlaringizdan faxrlanarli natijalar tilayman.
Bilimingiz ‒ nur, tajribangiz ‒ tayanch, mehnatingiz ‒ ibrat!
Sizga ta’zimdamiz, ustozlar!
Hurmat bilan,
N.U. Dusmatov,
“Uzbekkomir” AJ Bosh direktori
Oxirgi yangiliklar:
O'zbekko'mir AJ jamoalari “Chimgan Challenge — 2026” tog‘ festivalida ishtirok etdi
An’anaviy “Chimgan Challenge — 2026” tog‘ festivali yuqori saviyada tashkil etilib, ko‘tarinki ruhda yakunlandi. Mazkur nufuzli sport tadbirida “O‘zbekko‘mir” AJ sport...
O'qish
Alisher Navoiy tavalludi munosabati bilan ma’naviy-ma’rifiy tadbir tashkil etildi
“O‘zbekko‘mir” AJda Alisher Navoiy tavalludining 585 yilligi munosabati bilan ma’naviy-ma’rifiy tadbir tashkil etildi Buyuk mutafakkir, so‘z mulkining sultoni A...
O'qish
Bugun 9-fevral buyuk mutafakkir, Alisher Navoiy tavallud topgan kun
Asl ismi Nizomiddin Mir Alisher. U Hirotda tugʻilib, shu yerda umrining asosiy qismini oʻtkazgan.Navoiyning otasi G‘iyosiddin Bahodir temuriylar xonadoniga yaqin boʻlgan....
O'qish
Kasaba uyushma qo‘mitasi delegatlari ishtirokida yig‘ilish bo‘lib o‘tdi
“O‘zbekko‘mir” AJning Angren ko‘mir koni filialida kasaba uyushma qo‘mitasi delegatlari ishtirokida yig‘ilish bo‘lib o‘tdi Yig‘ilishda BKUK raisi A. Qayumov ham qatnas...
O'qish