Республика ижтимоий соҳа объектлари 15 сентябргача маҳаллий кўмир билан тўлиқ таъминланади
Nashr qilingan sana: 29.07.2022 19:32:13“Ўзбеккўмир” акциядорлик жамияти томонидан жорий 2022/2023 йиллар куз-қиш мавсуми учун республика ижтимоий соҳа объектлари ва аҳоли эҳтиёжлари учун қанча миқдорда маҳаллий кўмир етказиб берилади? Истеъмолчиларни етарли миқдорда қаттиқ ёқилғи билан тўла таъминлаш учун кўмир захиралари етарлими, маҳсулот сифати, уни етказиб беришни тартибларида қандай янгиликлар бор?
2022 йилнинг 29 июль куни “Ўзбеккўмир” акциядорлик жамиятига уюштирилган пресс-тур мавзуси айнан ана шу масалага бағишланди.
Пресс-тур аввалида жамиятга қарашли “Ангрен” кўмир конининг марказий диспетчерлик пунктида журналистлар учун матбуот анжумани ташкил этилди.
Жамият бош директори Владимир Кузнецов, бош директорнинг биринчи ўринбосари Алижон Мираҳмедов, бош муҳандис вазифасини Жаҳонгир Муталипов, бош геолог Эркин Валиевич Жўраев, “Кўмир таъминот” МЧЖ логистика бўлими бошлиғи, кўмир сифати бўйича назоратчи Дмитрий Зборивец иштирокида ўтказилган анжуманда қаттиқ ёқилғи қазиб олиш, саралаш ва юклаш жараёнлари, бу борадаги кўрсаткичлар, сифат бўйича амалга оширилаётган ишлар хусусида ахборотлар берилди.
− Жамиятимиз томонидан 2022/2023 йиллар куз-қиш мавсуми учун Республика ижтимоий соҳа объектларига 518 минг тонна, аҳоли эҳтиёжлари учун 882 минг тонна маҳаллий кўмир маҳсулотлари етказиб бериш режалаштирилган, − деди бош директорнинг биринчи ўринбосари А.Мираҳмедов. − Ижтимоий соҳа объектларига кўмир юклаш ишларини бу йил ҳар галгидан анча барвақт − 1 апрелдан бошланди. Айни пайтда жамият томонидан кунига ўртача 4,5 минг тонна кўмир юклаб жўнатилмоқда. Маҳсулот “Кўмир таъминот” МЧЖга қарашли 101 ҳудудий кўмир омбори ва шаҳобчалари орқали тарқатилаяпти. 2022 йил 27 июль ҳолатига бюджет ташкилотлари учун 326,3 минг тонна маҳаллий кўмир ортиб юборилди. Кўмир тарқатиш ишлари Самарқанд ва Хоразм вилоятларида айниқса намунали ташкил этилмоқда.
Республика бюджет ташкилотларини куз-қиш мавсуми учун кўмир билан тўлиқ таъминлаш ишларини 15 сентябрга қадар якунлаш, аҳолини маҳаллий кўмир билан таъминлашни эса 1 декабргача тугатиш режалаштирилган.
Мулоқот жараёнида таъкидланганидек, Республика бюджет ташкилотлари ва аҳоли учун мўлжалланган маҳаллий кўмир БР-2 маркали бўлиб, фракцияси 0-300мм.ни, кулчанлиги 17 фоизни ташкил этади.
Маълумот учун, “Ўзбеккўмир” акциядорлик жамияти томонидан 2022 йилда истеъмолчиларга 4,8 миллион тонна кўмир етказиб берилади. Биринчи ярим йиллик давомида 2,4 млн. тонна (прогнозга нисбатан 97,1 фоиз) кўмир қазиб олинди. Бу ўтган йилнинг мос даврига нисбатан ўсиш суръати 110,4 фоизга тенгдир.
“Ангрен” кўмир кони “Ўзбеккўмир” АЖ’нинг қаттиқ ёқилғи қазиб олувчи асосий кони ҳисобланиб, 2022 йилда ушбу конда 4328,7 минг тонна кўмир қазиб олиш белгиланган. Айни кунларда бу ерда 40дан ортиқ кон экскаваторидан фойдаланилмоқда. Уларнинг тўрттаси бевосита кўмир қазиб олиш ва юклаш ишларига сафарбар қилинган.
Мулоқот чоғи журналистлар ва блогерларни ўзларини қизиқтирган саволларга атрофлича жавоблар олдилар.
Куннинг иккинчи ярмида “Ангрен” кўмир конига пресс-тур уюштирилди. Журналист ва блогерлар кўмир қазиб олиш, саралаш ва юклаш жараёнлари билан яқиндан танишдилар.
Неъмат Душаев,
“Ўзбеккўмир” АЖ Ахборот хизмати раҳбари
Izohlar
Oxirgi yangiliklar:
![image](/images/FDCoUpiCe1dVr0adUxMtbBwclnWLTg8eoSXGPgKE.jpg)
Diqqat: “BelAZ” va “Komatsu” samosvallari haydovchilari kerak!
“O‘zbekko‘mir” aksiyadorlik jamiyati “BelAZ” hamda “KOMATSU” avtosamosvallarini boshqarish uchun yuqori malakali haydovchilarini ishga taklif qiladi. Aksiyadorlik jam...
O'qish![image](/images/YgCS6vu3sAPdGJVCvsBGoUcvTb0TaNld5z4COand.jpg)
“Koinot” oromgohi mavsumning 2-navbatini boshladi
Bugun “O‘zbekko‘mir” AJ xodimlari farzandlarining navbatdagi katta bir guruhi "Koinot" bolalar yozgi sog‘lomlashtirish oromgohiga mavsumning ikkinchi navbatida dam olish...
O'qish![image](/images/fTeVIHq6DX8J5HGShg6IQqh3CN2m2cwUSBCfLBxa.jpg)
“O‘zbekko‘mir AJ aksiyadorlari diqqatiga!
“O‘zbekko‘mir” aksiyadorlik jamiyati aksiyadorlarining navbatdan tashqari umumiy yig‘ilishi o‘tkazilishi to‘g‘risida XABARNOMA “O‘zbekko‘mir” AJ Kuzatuv kenga...
O'qish![image](/images/EKQMNTXlaCxglBC5p1VgiEESfWL6fTe2GTeFNJor.jpg)
“O‘zbekiston-2030” strategiyasi ijrosi muhokama qilindi
Kon-geologiya vazirligida “O‘zbekiston – 2030” strategiyasi ijrosi yuzasidan muhokama-munosabat tadbiri o‘tkazildi 2024-yil 28-iyunkuni Tog‘-kon sanoati va geologi...
O'qish