Daryo bo'yida konchilar bog'i tashkil qilinmoqda
Nashr qilingan sana: 23.03.2025 12:45:39
“O‘zbekko‘mir” aksiyadorlik jamiyati tomonidan “Yashil belbog‘” umummilliy loyihasi doirasida “Konchilar bog‘i” tashkil etilmoqda. Shu maqsadda muntazam hasharlarda daraxt ko‘chatlari ekilmoqda. 22-23-mart kunlari ham shunday hasharlarda o‘tkazildi. Ish boshlanganidan buyon 2 ming tup terak ko‘chatlari ekildi.
Jamiyat bosh direktorining 2023 yil 21-fevraldagi 80-sonli buyrug‘i asosida o‘tkazilayotgan tadbirlarda o‘nlab xodimlar faol qatnashmoqda.
Jamiyat bosh ekolog Akbar Yoqubovning ma’lumot berishicha, bog‘ uchun Toshkent viloyati suv omborlari boshqarmasidan Angren daryosi bo‘yidagi 1,3 gektar qarovsiz bo‘sh yer maydoni o‘n yilga ijara olinadi. Bu yerda o‘n ming tup kaliforniya teragi ekib o‘stiriladi.
‒ Ekkaning emas, ko‘kartirganing hisob, deydilar. Yaratilayotgan bog‘da daraxtlar to‘liq ko‘kartiriladi va kelgusi besh yil davomida ularni muhofaza qilish, parvarishlash, zararkunanda hasharotlar va kasalliklardan himoya qilish bo‘yicha aniq choralar belgilab olinadi. Suvni tejash maqsadida bog‘da tomchilab sug‘orish tizimi yo‘lga qo‘yiladi, ‒ deydi Akbar Yoqubov.
Bog‘ parvarishi uchun bog‘bonlar ajratilmoqda. Hademay ular uchun xizmat uylar quriladi, nasos stansiyasi va tomchilab sug‘orish jihozlari o‘rnatiladi.
Konchilar bahorgi ekish mavsumida shu bilan cheklanib qolishmaydi. Jamiyat hududidagi yana to‘rt gektar yer maydoni rekul’tivatsiya qilinadi va ushbu joyda ham mevali va qurilishbop daraxt ekilib, “Konchilar bog‘i” tashkil qilinadi.
Izohlar
Oxirgi yangiliklar:

Jamoa shartnomasi muhokamasi
Jamoa shartnomasi muhokamasi “O‘zbekko‘mir” aksiyadorlik jamiyatida Jamoa shartnomasiga kiritiladigan qo‘shimcha va o‘zgartirishlarga masalalariga bag‘...
O'qish
Ko‘mir qazib chiqarish hajmlari haqida ma’lumot
“O‘zbekko‘mir” aksiyadorlik jamiyatida ko‘mir qazib chiqarish hajmlari haqida ma’lumot
O'qish
Ko‘mir sanoati: rivojlanish va istiqbollar
Ko‘mir ‒ sanoatning harakatlantiruvchisi Ko‘mir inson yog‘ochdan keyin foydalana boshlagan ilk qazilma yoqilg‘i hisoblanadi. Toshko‘mir, qo‘ng‘ir ko‘mir va li...
O'qish
Juma – Milliy liboslar kuni
Yurtimizda har haftaning jumasi Milliy liboslar kuni sifatida keng nishonlanmoqda. "O‘zbekko‘mir" aksiyadorlik jamiyatida ham milliy liboslarni targ‘ib qilis...
O'qish