O‘zbekko‘mir AJ “Angren ko‘mir koni” filialida korrupsiyaga qarshi kurash mavzusida tadbir o‘tkazildi



O‘zbekko‘mir AJ “Angren ko‘mir koni” filialida korrupsiyaga qarshi kurashish, halollik va shaffoflik tamoyillarini mustahkamlash maqsadida filialning komplaens nazorati xodimlari tomonidan targ‘ibot-tashviqot tadbiri tashkil etildi

Tadbir davomida korrupsiyaning jamiyat va ishlab chiqarish jarayonlariga salbiy ta’siri, uning oldini olish bo‘yicha amaldagi qonunchilik talablari hamda xodimlarning bu boradagi mas’uliyati haqida atroflicha ma’lumotlar berildi. Shuningdek, manfaatlar to‘qnashuvining oldini olish, xizmat vazifalarini halol va vijdonan bajarish masalalariga alohida e’tibor qaratildi

Tadbirda ishtirok etgan mutasaddilar va xodimlar tomonidan mavzu yuzasidan fikr-mulohazalar bildirilib, korrupsiyaga nisbatan murosasiz munosabatni shakllantirish zarurligi ta’kidlandi



Mazkur tadbir xodimlar o‘rtasida huquqiy ong va madaniyatni oshirishga, shuningdek, korrupsiyadan holi ish muhitini yaratishga xizmat qilishi qayd etildi.