“O‘ZBEKKO‘MIR” AJ: 6 OY MOBAYNIDA JAMI 2 MLN 770,8 MING TONNA KO‘MIR QAZIB OLINDI

Joriy yilning birinchi yarim yilligi yakunlariga ko‘ra "O‘zbekko‘mir" AJ faoliyatidagi asosiy ko‘rsatkichlar quyidagicha shakllandi.

Kon yuzasini ochish ishlari

2025-yil yanvar-iyun oylarida kon yuzasini ochish ishlari 15,8 mln kub metr hajmda amalga oshirildi. O‘sish sur’ati o‘tgan yilning shu davriga nisbatan 137,6 foizni tashkil qildi. Jumladan:

🔹 “Angren” konida – 13,5 mln kub metr (o‘sish sur’ati – 123,1%),

🔹 “Apartak” konida – 2,3 mln kub metr (o‘sish sur’ati – 448,8%).

Ko‘mir qazib olish

Jamiyat tomonidan 6 oy mobaynida jami 2 mln 770,8 ming tonna ko‘mir qazib olindi. O‘sish sur’ati o‘tgan yilning shu davriga nisbatan 116,7%ga teng bo‘ldi. Jumladan:

🔸 “Angren” konida – 2 mln 485,3 ming tonna (o‘sish sur’ati – 116,7%),

🔸 “Apartak” konida – 255,3 ming tonna (o‘sish sur’ati – 119,7%),

🔸 Yer osti uslubidagi kon – 30,2 ming tonna (o‘sish sur’ati – 98,1%).

Ist’emolchilarga yetkazib berish

Yanvar-iyun oylarida ist’emolchilarga 2,8 mln tonna ko‘mir yuklab yuborildi. O‘tgan yilning shu davriga nisbatan o‘sish sur’ati 109,4%ni tashkil etdi.

2024-yilning birinchi yarim yilligida ist’emolchilarga 2,5 mln tonna ko‘mir ortib yuborilgan edi.

2025-yilning yanvar-iyun oylarida:

🔸 Issiqlik elektr stansiyalariga – 1 874,2 ming tonna,

🔸 Byudjet tashkilotlariga – 228,1 ming tonna,

🔸  Aholi ehtiyojlari uchun – 153,4 ming tonna ko‘mir yetkazildi.

🔸  Birja va to‘g‘ridan-to‘g‘ri shartnomalar orqali – 512,3 ming tonna ko‘mir sotildi.

 Ma’lumot uchun:

“O‘zbekko‘mir” AJ – mamlakatimizda ko‘mir qazib olish va ist’emolchilarga yetkazib berish bo‘yicha yetakchi korxona hisoblanadi. Ko‘mir mahsulotlari respublika ehtiyojlariga mos ravishda tasdiqlangan balans asosida taqsimlanadi. Jamiyat tasarrufidagi “Angren”, “Apartak” va shaxta usulidagi konlarda 6 ming nafardan ortiq mutaxassis va ishchi mehnat qilmoqda.

🖊 Ne’mat Dushayev

"O‘zbekko‘mir" AJ matbuot kotibi