“Dolzarb 30 kun” profilaktika oyligi davom etmoqda

“O‘zbekko‘mir” AJda ishlab chiqarish obyektlarida sanoat va yong‘in xavfsizligini mustahkamlash, favqulodda vaziyatlarning oldini olish hamda fuqaro muhofazasi tizimining shayligini oshirish maqsadida 1–30-iyul kunlari “Dolzarb 30 kun” profilaktika oyligi o‘tkazilmoqda.

Profilaktika oyligi doirasida xavfli ishlab chiqarish obyektlarida xavfsizlik talablariga rioya etilishi ustidan nazorat kuchaytirildi. Fuqaro muhofazasi tuzilmalari va maxsus texnikalarning favqulodda vaziyatlarga tayyorgarligi o‘rganilib, aniqlangan kamchiliklarni zudlik bilan bartaraf etish choralari ko‘rilmoqda.

Shuningdek, Toshkent viloyati Favqulodda vaziyatlar bosh boshqarmasi hamda mutasaddi bo‘linmalar bilan hamkorlikda nazorat reydlarini o‘tkazish rejalashtirilgan.

Profilaktika oyligining asosiy maqsadi – ishlab chiqarish obyektlarida favqulodda vaziyatlarning oldini olish, xodimlar hayoti va sog‘lig‘ini ishonchli himoya qilish hamda xavfsizlik madaniyatini yanada yuksaltirishdir.

Xavfsizlik qoidalariga rioya qilish – har bir xodimning mas'uliyati va burchidir!