Bahor faslining ilk bayrami – uzoq kutilgan va ajoyib 8 mart kuni yaqinlashmoqda. Shu munosabat bilan aksiyadorlik jamiyatimizda samarali mehnat qilib kelayotgan Siz, aziz xotin-qizlarni samimiy muborakbod etaman.

Bugun konchi-ayollar er kishilar bilan birgalikda ular bitta umumiy va juda muhim vazifani bajarib kelishmoqda – ular koʻmir qazib olishdek mashaqqatli va xayrli ishda faol ishtirok etmoqdalar. Va shu bilan birga ular kundalik, ishlab chiqarish yoki moddiy qiyinchiliklardan qoʻrqmaydilar. Ayollar bir paytlar ogʻir urush yillarida mamlakatga qoʻshimcha tonna "qora oltin" berish uchun shaxtalarda, yer ostida ishlaganlar. Koʻmir sanoatini rivojlantirishda hozirgi tinch-totuvlik davrida ham ularning hissasi aslo kam emas.

Konchi-ayollarimiz hayotning haqiqiy maʼnosini biz bilan saxiylik ila baham koʻrib kelmoqdalar. Barchamiz har kuni qiladigan yagona ish – ona Yer qaʼridan uning tabiiy boyliklarini qazib olishga katta hissa qoʻshayotganingiz uchun Sizlarga cheksiz tashakkurlar aytamiz. Zero, aksiyadorlik jamiyatimizda xotin-qizlar mehnati yuksak qadrlanadi.

Qadrli konchi ayollar, aziz onaxonlar va opa-singillar!

Barchangizni 8 -mart – Xalqaro xotin-qizlar kuni bilan yana bir bor samimiy tabriklayman. Sizga baxt, sogʻlik, oila va davlat ishlarida hamisha muvaffaqiyatlar tilayman. Qalbingiz doimo bahoriy quvonchlar bilan limmo-lim boʻlsin.

V.V.Kuznetsov,

“Oʻzbekkoʻmir” AJ Bosh direktori