O‘zbekiston Respublikasi Prezidenti tashabbusi bilan barpo etilgan Islom sivilizatsiyasi markazi xalqimizning ko‘p asrlik ilmiy-ma’rifiy merosi va buyuk ajdodlarimiz qoldirgan bebaho merosni o‘zida mujassam etgan noyob maskandir. Bugun u nafaqat ma’rifat markazi, balki milliy o‘zlikni anglash, tarixiy xotirani asrash va ma’naviy qadriyatlarni targ‘ib etishning muhim o‘chog‘iga aylanmoqda.

Ana shu ezgu maqsadlardan kelib chiqib, “O‘zbekko‘mir” AJ ishchi-xodimlari uchun Toshkent shahriga ma’naviy-ma’rifiy sayohat tashkil etildi.

Sayohat davomida ishtirokchilar Islom sivilizatsiyasi markazidagi noyob ekspozitsiyalar bilan tanishdilar, Zangiota ziyoratgoh majmuasini ziyorat qildilar hamda “Yangi O‘zbekiston” bog‘ida mamlakatimizda amalga oshirilayotgan keng ko‘lamli bunyodkorlik ishlarini ko‘zdan kechirdilar.

Mazkur ma’naviy-ma’rifiy sayohat ishtirokchilarda yurtimizning boy tarixiy va ma’naviy merosi, milliy qadriyatlarimiz hamda Yangi O‘zbekistonda amalga oshirilayotgan bunyodkorlik ishlariga nisbatan chuqur hurmat va faxr tuyg‘ularini uyg‘otib, ularda unutilmas taassurot qoldirdi.