Кончилик ва металлургия саноати ходимлари куни муносабати билан “Ўзбеккўмир” АЖда  тантанали байрам тадбири ўтказилди.

“Қурилиш-монтаж ишлари” филиалининг фаоллар залида ташкил этилган тадбирда Энергетика вазири маслаҳатчиси С.Қурбонов, Ангрен шаҳар ҳокими в.в. бажарувчи Ж.Зайнитдинов, жамият бош директори В.В.Кузнецов, Бирлашган касаба уюшма қўмитаси раиси А.М.Қаюмов ва бошқалар сўзга чиқиб, Ўзбекистон кўмир саноати ривожида Ангрен кончиларининг самарали меҳнатини алоҳида таъкидладилар ва уларни касб байрами билан қизғин табрикладилар.

Жамиятда самарали меҳнат қилиб келаётган илғор кончилар ва меҳнат фахрийларининг катта гуруҳига Энергетика вазирлиги, Ангрен шаҳар ҳокимлиги, Ўзбекистон касаба уюшмалари Федерацияси ҳамда “Ўзбеккўмир” АЖ раҳбарияти томонидан “Кончилик шуҳрати” кўкрак нишони, пул мукофотлари, фахрий ёрлиқ ҳамда ташаккурнома ҳамда қимматбаҳо эсдалик совғалари билан тантанали равишда тақдирландилар.

Тантанали тадбир Ўзбекистон қаҳрамони, халқ артисти Муножот Йўлчиева иштирокидаги концерт дастури билан якунланди.