“Koʻmir taʼminot” MCHJ ning Andijon viloyat filiali tasarrufidagi Andijon tuman koʻmir ombor mudiri SH.B. kuz-qish mavsumida aholiga imtiyozli narxda tarqatishga moʻljallangan 362,3 mln. soʻmlik 1.220,0 tonna, shu kabi, Buloqboshi tuman koʻmir ombor mudiri S.N. 178,3 mln. soʻmlik 445,5 tonna hamda Jalaquduq tuman koʻmir ombor mudiri Y.YU. 421,7 mln. soʻmlik 1.419,9 tonna koʻmirlarni goʻyoki fuqarolar olganligi toʻgʻrisida soxta maʼlumotlar tayyorlab, koʻmirni naqd pulga sotishib, shaxsiy manfaatlari yoʻlida talon-toroj qilishgan.

Mazkur holatlar yuzasidan ombor mudirlari SH.B., S.N., va Y.YU. ga nisbatan JKning 167-moddasi 3-qismi “a ” bandi va boshqa moddalari bilan jinoyat ishlari qoʻzgʻatilib, ushbu shaxslar Jinoyat-protsessual kodeksining 221-moddasi tartibida ushlandi.

Jinoyat ishlari yuzasidan dastlabki tergov harakatlari viloyat prokuraturasi tomonidan olib borilmoqda deyiladi Andijon viloyati prokuraturasi xabarida.

https://t.me/andijonprokuraturasi/4717?single