O‘zbekiston Respublikasi Vazirlar Mahkamasi huzuridagi Idoralararo tarif komissiyasining qaroriga muvofiq “O‘zbekko‘mir” aksiyadorlik jamiyati va “Ko‘mir ta’minot” mas’uliyati cheklangan jamiyati tomonidan respublika ichida sotiladigan ko‘mir mahsuloti tarifining yangi miqdori tasdiqlandi.
Idoralararo tarif komissiyasining 2023 yil 27 oktyabrdagi 18-son yig‘ilish majlis bayonnosining 4-, 5-, 6- ilovalariga muvofiq “O‘zbekko‘mir” AJ tomonidan yetkazib beriladigan mahalliy ko‘mirning 1 tonnasi uchun tarifi ko‘shilgan qiymat solig‘ini hisobga olgan holda quyidagicha miqdorlarni tashkil qiladi:

Issiqlik elektr stansiyalariga:

 – 2 BOMSSH (0-50) – 365 800 so‘m.
 – 2 BOMSSH-B-B1 (0-50) – 322 800 so‘m.
– 2 BOMSSH-B-B2 (0-50) – 253 900 so‘m.

“Ko‘mir ta’minot” MCHJ orqali:    

Byudjet tashkilotlari uchun     –  431 400 so‘m.
Aholi uchun  –  309 800 so‘m.

Bunda O‘zbekiston Respublikasining “Raqobat to‘g‘risida” Qonuniga muvofiq mazkur yangi tariflar rasmiy e’lon qilingan sanadan e’tiboran      15 kun o‘tgach, ya’ni joriy yil 15 noyabrdan boshlab kuchga kiradi.

Izoh: Mazkur narxlar Vazirlar Mahkamasining  2018 yil 30 martdagi “Tovar bozorlarida monopoliyaga qarshi tartibga solishni  yanada takomillashtirish  chora-tadbirlari to‘g‘risida” 249-son qaroriga  muvofiq to‘g‘ridan-to‘g‘ri  shartnomalar asosida  sotiladigan ko‘mir uchun belgilangan. Birja savdolari orqali  sotiladigan ko‘mir narxlari O‘zbekiston Respublikasi Prezidentining 2019 yil 8 oktyabrdagi “Tovar-xomashyo birjalari faoliyati samaradorligini oshirish va birda savdolari mexanizmalarini yanada takomillashtirish chora-tadirlari to‘g‘risida”gi PQ-4484-son qarori talablaridan kelib chiqqan holda belgilangan.  

“O‘zbekko‘mir” AJ AJ Axborot xizmati