"Oʻzbekkoʻmir" AJ ijro apparatida 21 fevral kuni  mavjud boʻsh ish oʻrinlariga qabul oʻtkazilddi.

Oraliq muddatda qorovullik kasbi boʻyicha boʻsh ish oʻrinlari uchun 36 nafar fuqaro onlayn ariza topshirgan boʻlib, ulardan 21 nafari suhbatdan muvaffaqiyatli oʻtdi, tanlagan kasbi boʻyicha filiallarga ishga joylashish uchun  yoʻllanma oldi.
 
Qabul jarayonida haydovchilik kasbi boʻyicha elektron ariza topshirgan 11 fuqarodan besh nafari fuqaro test va savol-javoblardan muvaffaqiyatli oʻtib, ATT filialiga yangi xarid qilingan MAN avtoulovlarini boshqarish ish o'rnini qoʻlga kiritdi. 
Ishga qabul qilingan fuqarolarga qabul boʻyicha ishchi guruhi tomonidan ish sharoitlari, belgilangan oylik ish haqlari va moddiy javobgarliklar toʻgʻrisida tushuntirish berib oʻtildi.

Eslatib oʻtamiz, "Oʻzbekkoʻmir" AJ tizimiga ishga qabul boʻyicha arizalar onlayn tarzda amalga oshirilmoqda. Siz ishga joylashmoqchi boʻlsangiz, jamiyatning global internert tarmogʻidagi rasmiy veb-saytga  https://uzbekcoal.uz/uz/vacancies-security havolasi oʻtib, taklif etilgan boʻsh ish oʻrinlaridan oʻzingizga toʻgʻri keladiganini tanlaysiz va onlayn ariza toʻldirib, unga tegishli hujjatlarni ilova qilasiz.
 

Qutlugʻ Teshaboyev,  
Ijro apparati murojaatlar bilan ishlash boʻyicha yetakchi mutaxassis, qabul komissiyasi aʼzosi