“Ўзбеккўмир” АЖ бош директори В.В.Кузнецовнинг Янги йил табриги
Nashr qilingan sana: 30.12.2021 23:25:24Мана, 2021 йил ҳам тарих зарварақларига муҳланмоқда. Бу йил жамиятимиз меҳнат жамоаси учун осон кечмади. Шунга қарамай бу давр анча самарали бўлди деб баралла айта оламиз.
Жорий йилда энг асосий вазифамиз, кўмир қазиб олиш ва истеъмолчиларга етказиб бериш бўйича тасдиқланган режаларимиз муддатидан аввал ортиғи билан адо этилди. Бу ҳол истиқболдаги режалар ва ишланмаларни янада далил илгари суришда жуда муҳим қадам бўлди.
Қаттиқ ёқилғи қазиб олишда кон устки қисмини очиш ишларини жадаллаштириш зарур ва биз 2021 йилда бу борада салмоқли натижаларга эришдик. Натижада кўмир қазиб олиш суръатлари тобора ошмоқда. Маҳсулот сотишдан келиб тушадиган даромаднинг ортиши 2020 йилдаги пандемия ва бошқа қатор омиллар натижасида шаклланган қарздорликларни ёпиш ва янги лойиҳаларга дадил қўл уриш, ишчи-ходимлар моддий манфаатдорлигини ошириш имкониятини беради.
Икки йилдирки, Ангренда яшаб, Ўзбекистон кўмир саноатини ривожлантиришга баҳоли қудрат ўз ҳиссамни қўшиб келмоқдаман. Бундан мамнунман. Ўтган қисқа давр ичида серқуёш ушбу заминга, одамларига дилдан боғланиб қолдим. Мен кончиларни, уларнинг заҳматли меҳнатини чексиз қадрлайман ва ҳурмат қиламан.
Умид қиламанки, Янги 2022 йил меҳнат жамоамизга профессионал фаолият учун кенг уфқларни очиб беради, “қора олтин” қазиб олишда кўплаб янги ғалабалар келтиради.
Ҳурматли кўмир саноати ходимлари, азиз ҳамкасблар!
Янги - 2022 йилингиз билан қутлуғ бўлсин. Сизга ва оила аъзоларингизга мустаҳкам соғлиқ, шахсий бахт, тинчлик, фаровонлик ва улкан меҳнат муваффақиятлари тилайман!
Oxirgi yangiliklar:
Operatsion samaradorlik va mehnat unumdorligini oshirish masalalari muhokama qilindi
Joriy yilning 14-sentabr “O‘zbekko‘mir” aksiyadorlik jamiyatida operatsion samaradorlik va mehnat unumdorligini oshirishga qaratilgan tashabbuslarni amalga oshirish y...
O'qish
“O‘zbekko‘mir” AJ vakili “Rossiya energetika haftaligi ‒ 2026” xalqaro forumida ishtirok etmoqda
2026-yil 14–16-oktabr kunlari Moskva shahrida ”Rossiya energetika haftaligi ‒ 2026” IX xalqaro forumi bo‘lib o‘tmoqda. Yoqilg‘i-energetika sohasidagi muhim xalqaro tadbir...
O'qish
Brifing: ko‘mir xarid qilgan ehtiyojmand oilalarga 600 ming so‘mgacha kompensatsiya beriladi
Joriy 2026-yilda “O‘zbekko‘mir” aksiyadorlik jamiyati tomonidan jamiyat tomonidan 5,7 million tonna ko‘mir qazib chiqarish va iste’molchilarga 7 million tonna yetkazib be...
O'qish
Ekskavator mashinistlari va ortish mashinasi mashinistlari kasblariga tanlov e'lon qilinadi
#vakansiya "O‘zbekko‘mir" AJning "Angren ko'mir koni" hamda "Transport" filialiga ekskavator mashinistlari va ortish mashinasi mashinistlari ishga qabul qilinadi. M...
O'qish