“O‘zbekko‘mir” AJning “QMI” filialida 8-mart — Xalqaro xotin-qizlar kuni munosabati bilan tantanali bayram tadbiri tashkil etildi. Tadbirni “O‘zbekko‘mir” AJ Birlashgan kasaba uyushmasi qo‘mitasi raisi A. Kayumov kirish so‘zi bilan ochib berdi hamda tizimda faoliyat yuritayotgan barcha xotin-qizlarni ushbu qutlug‘ bayram bilan samimiy muborakbod etdi.


 

Tadbir davomida tizimda faoliyat yuritayotgan ayollar nomidan Xotin-qizlar qo‘mitasi raisi D. Xidirova so‘zga chiqib, bugungi kunda xotin-qizlar uchun yaratilayotgan keng imkoniyatlar, ularga ko‘rsatilayotgan yuksak e’tibor va ishonch uchun minnatdorlik bildirdi.
Shuningdek, Oila va xotin-qizlar qo‘mitasi raisining 2026-yil 2-martdagi 31-sonli buyrug‘iga asosan “Mo‘tabar ayol” ko‘krak nishoni jamiyat tarkibidagi “SH.U.K.Q.O” filiali ko‘tarish mashinalari mashinisti Gulnora Bayymenovaga tantanali ravishda topshirildi.
Bayram munosabati bilan “O‘zbekko‘mir” AJ tizimida samarali mehnat qilib kelayotgan 107 nafar xotin-qizga Bosh direktor hamda Birlashgan kasaba uyushmasi qo‘mitasi tomonidan tayyorlangan qimmatbaho esdalik sovg‘alari va guldastalar tantanali ravishda topshirildi.
Tadbir davomida jamiyat tarkibidagi E va TT filiali rahbari Erkin Jo‘rayevich ham konchi ayollarni samimiy tabriklab, ularga bayram tilaklarini bildirdi.



Bayram tadbiriga alohida shukuh bag‘ishlash maqsadida taklif etilgan “O‘zbekkonsert” davlat muassasasi estrada xonandasi, “Shuhrat” medali sohibi Asliddin Do‘stov o‘zining eng sara va ko‘ngillarga yaqin taronalari bilan yig‘ilganlarga ko‘tarinki kayfiyat ulashdi.