“Глобус: геология и бизнес” jurnalining 2026-yil mart sonida yana bir tahliliy maqola o‘quvchilar hukmiga havola qilindi. Ushbu maqola ham angrenlik jurnalist Diana Andreyeva qalamiga mansub bo‘lib “Inson va suv stixiyasi kurashi” (“Lyudi protiv vodы”) deb nomlangan va fotosuratlar ilova qilingan.

Ushbu maqolada “Angren” ko‘mir konidagi suv stixiyasi bilan kurash, konchilik jarayonida yuzaga keladigan murakkab gidrogeologik sharoitlar hamda ularni bartaraf etishda qo‘llanilayotgan zamonaviy yechimlar haqida so‘z boradi. Muallif ishlab chiqarish jarayonining ko‘rinmas, ammo hal qiluvchi  ‒ to‘planib qolayotgan suvni kon tubidan chiqarish tizimlari, nasos stansiyalari faoliyati va ular ortida turgan konchilar mehnatini yoritadi.

Shuningdek, maqolada ko‘mir qazib olish jarayonida suvning ta’siri, mavsumiy o‘zgarishlar, tabiiy xavflar va ularga qarshi kurashayotgan mutaxassislarning tajribasi hayotiy misollar orqali ochib berilgan.

Ma’lumot uchun, “Глобус: геология и бизнес” Rossiya Fe-deratsiyasida nashr etiladigan xalqaro ilmiy-amaliy jurnal bo‘lib, geologiya, tog‘-kon sanoati va biznes sohalaridagi dolzarb mav-zularni yoritadi. Nashr Rossiya, Qozog‘iston, Belarus, O‘zbekiston va Qirg‘izistonda keng tarqatiladi.

So‘nggi yillarda jurnal va “O‘zbekko‘mir” AJ o‘rtasida ijodiy hamkorlik yo‘lga qo‘yilgan bo‘lib, unda jamiyat faoliyati, ishlab chiqarish jarayonlari va konchilar mehnatiga bag‘ishlangan bir qator tahliliy maqolalar muntazam ravishda e’lon qilib kelinmoqda.

Manbaa:https://www.vnedra.ru/glavnaya-tema/lyudi-protiv-vody-30586/