Баҳорги дарахт экишга ҳозирлик кўрилмоқда
Nashr qilingan sana: 01.02.2022 05:46:47"Ўзбеккўмир" АЖ ва Бирлашган касаба уюшма қўмитасининг "Яшил макон" умуммиллий лойиҳасини амалга ошириш чора-тадбирлари тўғрисида" қўшма қарори қабул қилинди. Ушбу ҳужжатга кўра, "Ўзбеккўмир" АЖ тизимида "яшил макон" умуммиллий лойиҳаси доирасида баҳорги дарахт экиш ишлари давом эттирилади.
Маълумки, Республикамиз бўйлаб 2021 йилнинг 4 ноябрдан 5 декабрbгача кўчат экиш бўйича “долзарб 40 кунлик” акцияси эълон қилинди. Ушбу акцияда "Ўзбеккўмир" АЖ тизимидаги корхоналар жамоаси фаол иштирок этди ва белгиланган прогноз режаси 100 фоизга бажарилиб, 9600 туп дарахт кўчати ўтқазилди.
Акция давомида дарахт кўчатларини экиш майдонлари Ангрен шаҳар ҳокимлиги билан келишилган ҳолда танланди, тизимдаги филиаллар жойлашган бинолар атрофида ҳам боғлар барпо этилди. Дарахт кўчатларини сотиб олиш ва экиш ишларини молиялаштириш "Ўзбеккўмир" АЖнинг ўз маблағлари ҳисобидан амалга оширилди. Энг асосийси, экилган дарахтларни парвариш қилиш ва озиқлантириш йўлга қўйилди.
Ўзбекистон Республикаси Вазирлар Маҳкамасининг 2021 йил 15 ноябрдаги 694-ф-сонли фармойиши ҳамда Энергетика вазирлиги ва Ўзбекистон энергетика, нефт-газ ва геология ходимлари касаба уюшмаси Республика кенгашининг 2021 йил 17 декабрдаги 36 қ/қ-сон қўшма қарори билан тасдиқланган кўрсаткичлар доирасида 2022 йил баҳор мавсумида кўчат экиш акцияси давом эттирилади. Шу мақсадда "Ўзбеккўмир" АЖ маъмурияти ва Бирлашган касаба уюшма қўмитасининг тегишли қўшма қарори қабул қилинди.
Қўшма қарор билан дарахт кўчатларини сотиб олиш билан боғлиқ ишларни ташкил қилиш, кўчатларни етказиб бериш, экишни ташкиллаштириш ва келгусида парваришлаш бўйича ишларни тизимли ташкил қилиш, кўчат экиш учун майдонларни танлаш вазифалари белгилаб олинди.
"Ўзбеккўмир" АЖ Ахборот хизмати
Oxirgi yangiliklar:
Operatsion samaradorlik va mehnat unumdorligini oshirish masalalari muhokama qilindi
Joriy yilning 14-sentabr “O‘zbekko‘mir” aksiyadorlik jamiyatida operatsion samaradorlik va mehnat unumdorligini oshirishga qaratilgan tashabbuslarni amalga oshirish y...
O'qish
“O‘zbekko‘mir” AJ vakili “Rossiya energetika haftaligi ‒ 2026” xalqaro forumida ishtirok etmoqda
2026-yil 14–16-oktabr kunlari Moskva shahrida ”Rossiya energetika haftaligi ‒ 2026” IX xalqaro forumi bo‘lib o‘tmoqda. Yoqilg‘i-energetika sohasidagi muhim xalqaro tadbir...
O'qish
Brifing: ko‘mir xarid qilgan ehtiyojmand oilalarga 600 ming so‘mgacha kompensatsiya beriladi
Joriy 2026-yilda “O‘zbekko‘mir” aksiyadorlik jamiyati tomonidan jamiyat tomonidan 5,7 million tonna ko‘mir qazib chiqarish va iste’molchilarga 7 million tonna yetkazib be...
O'qish
Ekskavator mashinistlari va ortish mashinasi mashinistlari kasblariga tanlov e'lon qilinadi
#vakansiya "O‘zbekko‘mir" AJning "Angren ko'mir koni" hamda "Transport" filialiga ekskavator mashinistlari va ortish mashinasi mashinistlari ishga qabul qilinadi. M...
O'qish