“Кўмир таъминот” масъулияти чекланган жамияти Самарқанд вилоят филиали директори Сайфиддин Жуманов оммавий ахборот воситалари вакиллари иштирокида ўтказилган мабтуот анжумани ва пресс-турда ана шу фикрни қайта-қайта такрорлади.

– Куз-қиш мавсумида кўмирга эҳтиёжи мавжуд аҳоли пунктларига ушбу ёнилғини етказиш бўйича манзилли дастур тасдиқланган , – деди С.Жуманов. – Унга кўра, бугунги кунда вилоятимиз бўйича 744 маҳаллада 450 минг хонадоннинг кўмирга эҳтиёжи бор. Шу пайтгача вилоятимиздаги 12 та омбор ва шохобчаларимиз орқали 55 минг тонна кўмир маҳсулотлари тарқатилиб, режа 65 фоизга бажарилди. Яна 35 минг тонна кўмир жойлардаги шахобчаларга етказиб берилади. Айни пайтда омборхоналаримизда 5860 тонна кўмир заҳира қилинган.
2021-2022 йиллар куз-қиш мавсуми учун вилоятдаги ижтимоий соҳа ташкилотларига май-июнь ойларидаёқ 38 минг 81 тонна кўмир тўлиқ етказиб берилиб, улар белгиланган тартибда сақланди.
Филиал вакиллари газлаштирилмаган ҳудудларда туман ҳокимлиги ва маҳалла фуқаролар йиғинлари билан биргаликда “Темир дафтар”да қайд этилган оилалар, ёлғиз кексалар, ногиронлиги бўлган шахслар ва бошқа эҳтиёжманд хонадонларга имтиёзли шартларда кўмир етказиб бермоқда.
Тадбир давомида иштирокчилар филиалнинг “Самарқанд кўмир омбори”да бўлиб, кўмир тарқатиш жараёни билан танишди.