O‘zgidromet xabariga ko‘ra 16-18-fevral kunlari respublikamizda havoning sovib ketishi kutilmoqda.

Bu esa iqtisodiyot tarmoqlarida ishlab chiqarishni talafotlarsiz va bir maromda tashkil etish, ijtimoiy soha ob’yektlari hamda aholi yashash xonadonlarida energiya ta’minotidagi uzilishlarning oldini olish, yong‘in xavfsizligi bo‘yicha tegishli choralar ko‘rilishini talab etadi.  

“O‘zbekko‘mir” aksiyadorlik jamiyatida aynan shu mavzuda davra suhbati o‘tkazildi.

“Qurilish-montaj ishlari” filialida tashkil etilgan tadbirda iqtisodiyot tarmoqlari va aholiga ko‘mir    yoqilg‘isini barqaror yetkazib, shuningdek, ishlab chiqarish jarayonida yuzaga kelishi mumkin bo‘lgan muammoli masalalarni tezkor bartaraf etish, baxtsiz hodisa va favqulodda vaziyatlarning oldini olish masalalari atroflicha muhokama etilib, dolzarb vazifalar belgilab olindi.

Jamiyat favqulodda vaziyatlar tuzilmalarining yong‘in xavfi chiqqanida va boshqa favqulodda vaziyatlardagi harakatlari bo‘yicha o‘quv mashqlari o‘tkazildi.