Айни дамларда “Ўзбеккўмир” АЖ ижро аппаратида “Ўзбекистон энергетика секторида гендер масалаларини ўрганиш” мавзусида суҳбат бошланди.

Ўзбекистон  Республикасининг  2016  йил  22  сентябрдаги  “Меҳнатни  муҳофаза  қилиш” тўғрисидаги 410-сон қонунининг 17 ва 25-моддалари ҳамда Ўзбекистон Республикаси Вазирлар Маҳкамасининг 2014 йил 15 сентябрдаги 263-сон қарорининг 3-банди, 2017 йил 27 апрелдаги 246-сон қарорининг 3-иловасида белгиланган вазифалар ижросини таъминлаш мақсадида “Франция  тараққиёт  агентлигининг  Ўзбекистон  энергетика  секторида гендер  бўйича  техник  кўмаклашиш  дастури”  доирасида ташкил этилаётган ушбу тадбирда  энергетика  тизимидаги корхоналарда  гендер  масалалари  IKS  consulting  компанияси  томонидан ўрганилмоқда.

Ушбу  вазифаларни  амалга  ошириш учун, компания  томонидан энергетика  соҳаси,  жумладан,  Қорақалпоғистон  Республикаси,  Тошкент, Фарғона  ва  Бухоро  вилоятларида  жойлашган  корхоналарида  ижтимоий тадқоқот ўтказиш методологияси  ишлаб  чиқилган бўлиб, “Ўзбеккўмир” АЖ ҳам ўрганиш объектига киритилган.

«MEHNAT TRAINING»  MCHJ томонидан ташкил этилаётган тадбирда “Ўзбеккўмир” АЖ хотин қизлар қўмитаси раиси Зарифа Усмонова ва тизимдаги қўмита бошланғич ташкилотлари раислари ҳамда тегишли бўлим ва бошқармалар раҳбар ходимлари иштирок этмоқда.