Rossiya Federatsiyasida chop etilаdigan “Globus: geologiya i biznes” xalqaro jurnalining 2025-yil dekabr sonida “O‘zbekko‘mir” aksiyadorlik jamiyati faoliyatiga bag‘ishlangan navbatdagi maqola e’lon qilindi.

Angrenlik jurnalist Diana Andreyeva qalamiga mansub “Ustki qatlamlar uzra” (“Выше вскрыши”) sarlavhali maqolada keng qatlamli Angren ko‘mir havzasida yoqilg‘ini ochiq usulda qazib olishning geologik-texnik jihatlari atroflicha yoritilgan.

Xususan, maqolada ustki qatlamlarni katta hajmda olib tashlash jarayonlari, ag‘darmalar (otvallar)ning shakllanishi va ularning tarkibi haqida batafsil ma’lumot berilgan. Shuningdek, ish jarayonida qo‘llaniladigan traktorlar, ekskavatorlar, buldozerlar hamda temir yo‘l transporti kabi og‘ir texnika vositalarining faoliyati ham yoritilgan.

Maqolada, shuningdek, «Angren ko‘mir koni» filialining 10-bo‘limi jamoasi, ularning mehnat faoliyati va tajribali mutaxassislari haqida qiziqarli hikoya qilingan.

📄 Maqola saytida:
🔗 https://www.vnedra.ru/glavnaya-tema/vyshe-vskryshi-29774/

📘 Jurnalning PDF-versiyasi:
🔗 https://www.vnedra.ru/wp-content/uploads/2025/12/globus89-globus89.pdf