16-dekabr kuni “CHETRA”  MCHJ va  “DIZEL KOMPLEKT BEL SERVICE” korxonasi vakillari “O‘zbekko‘mir” aksiyadorlik jamiyatida bo‘ldilar

Bosh direktor V.V Kuznetsov ishtirokida tashkil etilgan uchrashuvda “ChETRA” MChJ ning ehtiyot qismlarni eksportga sotish direksiyasi boshlig‘ining o‘rinbosari Yevgeniy,  “DIZEL KOMPLEKT BEL SERVICE” direktori vazifasini bajaruvchi Denis Umanes hamda “O‘zbekko‘mir” AJ mutaxassislari ishtirok etdilar.

Unda kon texnikalari va ehtiyot qismlarining yetkazib berish bo‘yicha o‘zaro hamkorlik masalalar ko‘rib chiqildi.

Ma’lumot uchun, “ChETRA”” MChJ – Rossiya kompaniyasi bo‘lib, “Promtraktor” zavodida ishlab chiqarilgan “Chetra” brendi ostidagi sanoat texnikasi va ehtiyot qismlarini eksklyuziv ravishda sotadi, shuningdek, “Chaz” MChJda tayyorlanadigan “Chaz” brendi ostidagi ehtiyot qismlar va butlovchi buyumlarni yetkazib beradi. “DIZEL KOMPLEKT BEL SERVICE” O‘zbekiston va xorijiy ishlab chiqaruvchilarning texnikasi, uskunalari, dvigatellari, ehtiyot qismlari, shinalari, kimyo sanoati mahsulotlari va boshqalarning rasmiy dileri (vakili) hisoblanadi. Kompaniya mahsulotlarga zavod kafolati, to‘liq texnik yordam va servis xizmatlarini taqdim etadi. Shuningdek, O‘zbekiston ishlab chiqaruvchilarining mahsulotlarini xalqaro bozorlarga yetkazib berish faoliyatini olib boradi.

Qutlug‘ Teshaboev,

“O‘zbekko‘mir” AJ Tashqi iqtisodiy aloqalar, investitsiyalarni jalb qilish, investitsiya loyihalarini ishlab chiqish va davlat-xususiy sherikchilikni rivojlantirish  departamenti  boshlig‘i