Korrupsiya illatiga yo‘l yo‘q!

15-dekabr kuni “O‘zbekko‘mir” aksiyadorlik jamiyatiga presc-tur tashkil etildi. Shu kuni  korrupsiyaga qarshi kurashish “Ochiq eshiklar kuni” tadbiri o‘tkazildi.

Ushbu tadbir O‘zbekiston Respublikasi Korrupsiyaga qarshi kurashish milliy kengashi majlisining  2023-yil  23-avgustdagi 10-sonli bayonnomasi bilan tasdiqlangan “9-dekabr – Xalqaro korrupsiyaga qarshi kurashish kuni”ga bag‘ishlangan “Aksilkorrupsiya oyligi” doirasida o‘tkaziladigan tadbirlar rejasi ijrosini ta’minlash doirasida tashkil etildi.

Korrupsiya jamiyatni turli yo‘llar bilan iskanjaga oladigan dahshatli illatdir. O‘zbekiston Respublikasi Prezidentining 2021-yil 6-iyuldagi qaroriga ko‘ra,  2021-yilning 1-oktyabridan boshlab, barcha davlat organlari va tashkilotlarida  korrupsiyaga qarshi ichki nazorat tuzilmalari faoliyatini yo‘lga qo‘yish belgilangan edi. Ushbu hujjatdan kelib chiqib, “O‘zbekko‘mir” aksiyadorlik jamiyatida ham korrupsiyaga qarshi kurash xizmati (komplayens) tashkil etilgan. Ayni paytda tuzilma faoliyati bo‘yicha ishlab chiqilib tasdiqlangan va  korrupsiya illatiga qarshi tadbirlar amalga oshirib kelinmoqda. Jumladan, 2023-yilning o‘tgan 11 oyi davomida korxona va uning tarkibiy tuzilmalarida korrupsiyaviy  xatarlarning oldini olishga bag‘ishlangan qator tadbirlar o‘tkazildi. Ularning ... tasi seminar va davra suhbati shaklida bo‘ldi. Oylik doirasida jamiyat filiallari, shuningdek, “Ko‘mir ta’minot” MCHJning qator filiallarida korrupsiyaga qarshi targ‘ibot tadbirlari tashkil etildi.

Korrupsiyaga qarshi tadbirlar Respublika va mahalliy OAVlarda, jamiyat rasmiy veb sayti va ijtimoiy tarmoqlarida keng yoritib borilmoqda. “O‘zbekko‘mir” AJ rasmiy saytida maxsus “komplayens nazorat” bo‘limi tashkil etilgan bo‘lib, sohaga oid ma’lumotlar va yangiliklar,  korrupsiyaviy  holatlar bo‘yicha xabar berish uchun aloqa kanallari joylashtirilgan.

Korruputsiyaviy holatlar bo‘yicha har bir murojaat shaxsan “O‘zbekko‘mir” AJ bosh direktori nazorati ostida qonunda belgilangan tartibda ko‘rib chiqiladi.

Tadbir davomida jurnalistlar va blogerlar jamiyat va uning tarkibiy tuzilmalarida o‘z faoliyatining ochiqligini ta’minlash, manfaatlar to‘qnashuvining oldini olish va bartaraf etish, sohada korrupsiyaga qarshi kurashishning zamonaviy tizimlarini joriy etish  borasida amalga oshirilayotgan ishlar bilan yaqindan tanishtirildi, ularni qiziqtirgan savollarga javob berildi.

O‘zbekko‘mir” AJ Axborot xizmati