Qadrli va muhtaram opa-singillar!

Yurtimizga nafosat, mehr va iliqlik olib kiruvchi go‘zal bahor ayyomi – 8 mart, Xalqaro xotin-qizlar bayrami munosabati bilan Siz  – aziz konchi xotin-qizlarimizni samimiy muborakbod etamiz.

Bugun jamiyatimizda ming nafardan ziyod konchi xotin-qizlar turli kasb va lavozimlarda faoliyat yuritmoqda. Ularning ko‘mir qazib olish va iste’molchilarga yetkazib berish jarayonlaridagi faol ishtiroki butun jamoamiz uchun ibratdir.

Jamiyatimizda xotin-qizlarning mehnat huquqlari va ijtimoiy himoyasini ta’minlashga alohida e’tibor qaratilgan. U bilan birga mehnat sharoitlarini yaxshilash, malaka oshirish imkoniyatlarini yaratish, homilador va yosh bolali ayollar uchun yengillashtirilgan mehnat sharoitlarini joriy etish, sog‘lomlashtirish va dam olish sharoitlarini tashkil etish kabi chora-tadbirlar izchil amalga oshirilmoqda.

Fursatdan foydalanib, moʻtabar onaxonlarimiz va muhtaram opa-singillarimizni bahor ayyomi bilan yana bir bor qutlab, ularga eng ezgu tilaklarimizni izhor etamiz. Oilada mehr-oqibat va fayz-barokat manbai, jamoada esa fidoyi mehnat va mas’uliyat timsoli bo‘lgan aziz ayollarimiz doimo sog‘-salomat bo‘lishsin.

Bayramingiz muborak bo‘lsin, aziz opa-singillar!

Hurmat bilan,

Abdunosir Qayumov,

Birlashgan kasaba uyushma qo‘mitasi raisi