2025 yilning yanvar-iyul oylari davomida “O‘zbekko‘mir” AJ tomonidan qator ishlab chiqarish ko‘rsatkichlari bo‘yicha ijobiy dinamikaga erishildi.

Jumladan, kon ustki qismini ochish ishlari umumiy 19 mln 108,1 kub metr hajmda bajarildi. Bu ko‘rsatkich 2024 yilning shu davriga nisbatan 132,9 foiz o‘sishni tashkil etdi.

Shu jumladan:

– temir yo‘l transporti orqali — 3 mln 527,8 kub m (o‘sish 132,0 foiz),

– avtomobil transporti orqali — 15 mln 580,2 kub m (o‘sish 133,0 foiz).

Shuningdek, joriy yilning o‘tgan 7 oyi mobaynida jami 3 mln 460,8 ming tonna mahalliy ko‘mir qazib olindi, bu o‘tgan yilga nisbatan 110,2 foiz o‘sishni tashkil etdi.

Qazib olish hajmlari bo‘yicha:

– “Angren” konida — 3 mln 21,8 ming tonna (o‘sish 111,7 foiz),

– “Apartak” konida — 403,6 ming tonna (o‘sish 100,9 foiz),

– shaxta usulida — 35,3 ming tonna (o‘sish 97,9 foiz).

Shu bilan birga, 2025 yil yanvar-iyul oylarida kaolin qazib olish hajmi 265,2 ming tonnagateng bo‘ldi.

Iste’molchilarni ko‘mir bilan ta’minlash bo‘yicha natijalar ijobiy. Yetti oy mobaynida jami 3 mln 145,6 ming tonna ko‘mir ortib yuborildi, bu o‘tgan yilga nisbatan 101,8 foiz o‘sishni tashkil etdi.

Hisobot davrida iste’molchilarga 334,8 ming tonna kaolin ortib yuborildi (o‘sish sur’ati 107,3 foiz).

“O‘zbekko‘mir” AJ tomonidan ko‘mir qazib olish  va iste’molchilarga yetkazib berish jarayonlari bo‘yicha barcha ishlar belgilangan reja asosida, uzluksiz va samarali tarzda amalga oshirilmoqda.

 “O‘zbekko‘mir” AJ Axborot xizmati