Qishloq shifokori murojaati e’tiborsiz qoldirilmadi
Nashr qilingan sana: 02.10.2024 07:22:43#Murojaat_va_yechim
“O‘zbekko‘mir” AJning telegram-botiga Surxondaryo viloyati Sariosiyo tumanidagi tog‘li Chosh MFYda joylashgan 69-sonli oilaviy poliklinikasi feldsheri Ikromjon Ernazarovdan murojaat kelib tushgan edi. Unda tuman markazidan 150 chaqirim olisdagi mazkur tibbiyot muassasasi binosini qish mavsumida isitish uchun hanuzgacha ko‘mir yoqilg‘isi berilmaganligi bayon qilingan (https://t.me/c/2114251917/99).
“O‘zbekko‘mir” AJ Axborot xizmati tomonidan ushbu murojaatni o‘rganish jarayonida "Ko‘mir ta’minot" MChJ Surxondaryo viloyati filiali tomonidan viloyat byudjet tashkilotlariga rejadagi ko‘mir mahsuloti iyul oyining 10-sanasigacha qadar to‘liq yetkazib berilgani oydinlashdi. Filial rahbari H.Po‘latovning ma’lum qilishicha, tuman tibbiyot birlashmasi viloyat tibbiyot muassasalari ehtiyojiga yarasha yoqilg‘i qabul qilib olgan va vagonlar stansiyada uzoq turib qolmasligi uchun yoqilg‘ini markazlashtirilgan holda bir necha omborda zaxiralab qo‘ygan.
Kuni kecha tuman tibbiyot birlashmasi tomonidan Choshtepa tibbiyot punktiga ko‘mir yetkazib berilgani haqida ma’lum qilishdi. Biz tibbiyot punkti feldsheri bilan telefon orqali bog‘landik. Murojaatchi yetti tonna ko‘mir qabul qilib olingani, mahsulot sifati qoniqarli ekanligi haqida ma’lum qilib, ta’minotchilarga minnatdorlik bildirdi.
Ma’lumot uchun, "Ko‘mir ta’minot" MChJ Surxondaryo viloyati filiali tomonidan viloyat byudjet tashkilotlariga rejadagi 35 900 ming tonna ko‘mir shu yilning 10 iyuliga qadar to‘liq tarqatilgan. Viloyatda davlat xususiy sherikchilik asosida (DXSh) faoliyat ko‘rsatuvchi olti tumandagi 30 ta tadbirkorlik tuzilmasiga esa shartnoma rejasidagi 19 155 tonna ko‘mirning 16 270 tonnasi yetkazib berilgan. Ayni paytda mahsulotning qolgan qismi temir yo‘l vagonlarida Samarqand, Qashqadaryo viloyatlari orqali Surxondaryoga kirib kelmoqda. Ular yetib kelsa, ikki-uch kun avomida tadbirkorlar ehtiyoji ham to‘liq qondiriladi. Aholi iste’molchilari uchun viloyat filiali tomonidan tarqatilgan ko‘mir mahsuloti hajmi esa 14 700 ming tonnadan oshib qoldi.
“O‘zbekko‘mir” AJ Axborot xizmati
Oxirgi yangiliklar:
Pensiya ta’minoti tizimidagi yangiliklar muhokama qilindi
“O‘zbekko‘mir” AJda pensiya ta’minoti tizimini isloh qilishga qaratilgan Prezident farmoni loyihasining mazmun-mohiyatiga bag‘ishlangan o‘quv seminari o‘tkazildi....
O'qish
Ko‘mir bor joyda tabiatga ham e’tibor bor
Bilamizki, bir tonna ko‘mir faqat energiya manbaigina emas. U tabiat oldidagi mas’uliyatni ham anglatadi. Uni qazib olish, saralash, tashish va saqlashning har bir b...
O'qish
Kuz-qish mavsumi: favqulodda vaziyatlarga tayyorgarlik kuchaytirilmoqda
Kuz-qish mavsumiga tayyorgarlik ko‘rish, favqulodda vaziyatlarning oldini olish va energetika sohasi ob’ektlarining mavsumiy barqarorligini ta’minlash maqsadida...
O'qish
Ish jarayonida ham sportga hamisha vaqt topiladi
Korxonamizda xodimlarning bo‘sh vaqtlarini mazmunli o‘tkazishi, jismoniy faolligini oshirishi va sog‘lom turmush tarziga amal qilishi uchun barcha zarur sharoitlar y...
O'qish