"O‘zbekko‘mir" AJ ijro apparatida yangi tahrirdagi Mehnat kodeksi kuchga kirishi munosabati bilan “Kadrlar, mehnat va haqi xizmati faoliyatida qonun hujjatlari talablariga rioya qilish hamda mehnatga oid hujjatlarni rasmiylashtirish” bo‘yicha o‘quv-mashg‘ulotlari o‘tkazildi.

Mehnat kodeksining 1995-yildagi birinchi tahriridan farqli ravishda, unda majburiy mehnatni taqiqlash, xodimning huquqiy holati yomonlashishiga yo‘l qo‘yilmaslik kabilar asosiy prinsip etib belgilandi. Davlat ehtiyojmand aholini ishga joylash bo‘yicha qo‘shimcha kafolatlarni ta’minlaydi.

Olib borilayotgan mashg‘ulotlarda jamiyat tarkibidagi barcha filiallarning xodimlar bilan ishlash bo‘limi, mehnat va ish haqi bo‘limi xodimlari ishtirok etdi.

Mashg‘ulotlarning birinchi kunida tinglovchilar xodimlarni kasbga tayyorlash, qayta tayyorlash va malakasini oshirish, ayrim toifadagi xodimlarga berilgan qo‘shimcha kafolatlar va imtiyozlar xususida ma’ruzalar tingladilar. 

Kunning ikkinchi yarmida mashg‘ulotlar ayrim toifadagi xodimlarga berilgan qo‘shimcha kafolatlar va imtiyozlar mavzusi bo‘yicha davom etdi. O‘quv mashg‘ulotlarida mutaxassislarining mehnat qonunchiligidagi yangiliklar bo‘yicha malakasi oshirildi.