Respublikamizda joriy yilning 15-noyabr kunidan 15-dekabr kuniga qadar yurtimizda “Yong‘in xavfsizligi oyligi”  o‘tkaziladi.

“O‘zbekko‘mir” aksiyadorlik jamiyati ob’ektlarida yong‘in xavfsizligini ta’minlashni tashkil etish bo‘limi –53-kasbiylashgan yong‘in qutqaruv bo‘linmasi boshlig‘i Alijon Mamatqulovning ta’kidlashicha, yoz ham, qish ham yong‘indan qutqaruvchilar uchun sinov davri hisoblanadi, chunki yong‘in va boshqa tabiiy ofatlar yilning qaysi faslidan qat’iy nazar sodir bo‘lishi mumkin.  

Bo‘linma yong‘in-qutqaruvchilari oldida turgan vazifa ko‘mir qazib olish korxonalarida sodir bo‘ladigan yong‘inlar, zilzilalar va boshqa tabiiy ofatlarning oqibatlarini bartaraf etishdan iborat. A.Mamatqulovning so‘zlariga ko‘ra, so‘nggi paytlarda o‘t o‘chiruvchilar chaqiruv bo‘yicha tez-tez Angren konining havzasiga tushib, ko‘mir yuzalarida yuz bergan   yong‘inlarni  o‘chirish tadbirlarini o‘tkazadilar. Yil davomida mazkur bo‘linmaga 11 nafar yigit qo‘shildi va tajribali murabbiylar rahbarligida yong‘in o‘chirishda o‘z kuchini sinab ko‘rdi.

Yozda, termometr odatda o‘ttiz darajadan yuqori bo‘lsa, qattiq yoqilg‘ida cho‘g‘lanish kuzatilib, sog‘liq uchun xavfli bo‘lgan uglerod oksidini atrof-muhitga chiqaradi, shuning uchun odamlar shaxsiy himoya vositalarisiz bu joyda bo‘lmasligi kerak. Ammo hozirgi qish arafasida, kechalari havo sovuq payti ham ko‘mir o‘z-o‘zidan alangalanishi mumkin.

O‘t o‘chiruvchilar maxsus texnika va jihozlarsiz to‘laqonli faoliyat ko‘rsata olmaydi. Jamiyat rahbariyati vaziyatni to‘g‘ri baholagan holda ularni  sig‘imi 4 tonna bo‘lgan yangi ISUZU tankeri bilan ta’minlanmoqda.  

Yong‘inni o‘chirish oson ish emas, bundan ko‘ra uning oldini olish yengilroq. “O‘zbekko‘mir” aksiyadorlik jamiyati filiallarida yong‘in xavfsizligi qoidalariga rioya qilish bo‘yicha seminarlar, uchrashuvlar, suhbatlar va mavzuli ma’ruzalar o‘tkazish majburiy deb hisoblanadi. Oylik davomida shaxsiy tarkibning, shuningdek, korxonalar mehnat jamoalarining kasbiy tayyorgarligi darajasi rejalashtirilgan taktik o‘quv mashg‘ulotlari, yong‘in yoki zilzila qurbonlariga birinchi tibbiy yordam ko‘rsatish imkoniyatlari tekshiriladi; Ishlab chiqarish va xizmat ko‘rsatish  ob’ektlariga hech qanday tahdid bo‘lmasa ham, bu haqda ishchilarni, shuningdek, aholini xabardor qilib turish muhimdir.

Yilning istalgan vaqtida yong‘in xavfsizligi qoidalarini yodda tutish kerak. Buning uchun korxonalar tevaragida kecha-yu kunduz patrul xizmatini o‘tkazamiz. O‘t o‘chiruvchilarimiz ish joyini isitish tizimlarini doimiy tekshirib borish lozimligini tushuntirib bormoqdalar. Amaldagi qoidalar buzilsa, is gazidan zaharlanish sodir bo‘lishi mumkin.

Sanoat zonasida yong‘in xavfsizligini ta’minlash maqsadida maxsus yong‘in rejimi joriy etilmoqda, unga ko‘ra ruxsat etilmagan joylarda, ayniqsa, yog‘li va mazut bilan namlangan lattalar, yoqilg‘i-moylash materiallari saqlanadigan idishlar bo‘lgan chiqindixonalar yaqinida gugurt yoqish va chekish taqiqlanadi.

Eng muhimi, ishda va uyda yong‘in xavfsizligi qoidalariga qat’iy rioya qilish, yong‘inning oldini olish, elektr jihozlarini yaxshi holatda saqlash, olovga nisbatan jiddiylik munosabatda bo‘lish lozim. Shuni esda tutish kerakki, yong‘inni o‘chirishdan ko‘ra uni oldini olish osonroq. Demak, konchilar, ular qaysi kasb va lavozimda bo‘lmasin, yong‘in xavfsizligi oylida faol ishtirok etishi maqsadga muvofiqdir.

Diana Andreyeva