Ko‘mir qazib chiqarish hajmi 10 million tonnaga yetkaziladi
Nashr qilingan sana: 14.05.2024 11:34:37Geologiyadagi muhim yo‘nalish ko‘rib chiqildi
13.05.2024
Prezident Shavkat Mirziyoyev 13-may kuni ko‘mir qazib chiqarishni oshirish rejalari taqdimoti bilan tanishdi.
Aholi va iqtisodiyotning o‘sib borayotgan ehtiyojini ta’minlash uchun energetikaning barcha yo‘nalishlari rivojlantirilmoqda. Jumladan, muayyan tarmoqlarda ko‘mirdan foydalanish qo‘l keladi. Hisob-kitoblarga ko‘ra, yurtimizdagi ko‘mir zaxiralari qariyb 2 milliard tonnani tashkil etadi.
Bu imkoniyat ishga solinib, ko‘mir qazib olish hajmi izchil oshirib kelinmoqda. Xususan, 2016-yilda bu ko‘rsatkich yiliga 4 million tonnadan kam bo‘lgan bo‘lsa, 2023-yilda 6 million 550 ming tonnaga yetdi.
Davlatimiz rahbari konlarga investorlarni jalb qilib, yangi loyihalarni amalga oshirish zarurligini aytgan edi. O‘tgan yili bu borada sezilarli siljish bo‘lib, tadbirkorlar tomonidan 369 ming tonna ko‘mir qazib chiqarildi.
Taqdimotda sohadagi rejalar haqida ham axborot berildi. Qayd etilganidek, bu yil ko‘mir qazib chiqarish 8 million tonnaga yetkaziladi. Shundan 900 ming tonnasi tadbirkorlar tomonidan olinadi. “Sharg‘unko‘mir” aksiyadorlik jamiyatida yiliga 500 ming tonna ko‘mirni boyitish uskunasi ishga tushiriladi.
Surxondaryo, Qashqadaryo va Toshkent viloyatlaridagi to‘rtta maydonda geologiya ishlari olib borilmoqda va kelgusi yilda qazib chiqarishga yo‘naltiriladi.
Shu bilan birga, ilg‘or xorijiy tajribani qo‘llagan holda ko‘mir qatlamlarini baholash va burg‘ilash ishlari davom ettirilmoqda. Bularning natijasida 2025 yilda ko‘mir qazib chiqarish hajmini 10 million tonnaga yetkazish rejalashtirilgan.
Mutasaddilarga sohada xalqaro standartlarni joriy etib, ko‘mir sifatini oshirish, investitsiya loyihalarini jadallashtirish bo‘yicha ko‘rsatmalar berildi.
Manba:
https://president.uz/oz/lists/view/7230
Izohlar
Oxirgi yangiliklar:
![image](/images/B9uQtZBZVfgIZYsTB1ozbeiIn0U8g3IgMGjOAp9A.jpg)
1-yarim yillikda 2 374,4 ming tonna ko‘mir qazib olindi
“O‘zbekko‘mir” aksiyadorlik jamiyatida joriy yilning 1-yarim yilligi mobaynida 2 374,4 ming tonna ko‘mir qazib olindi. O‘tgan yilning mos davriga nisbatan o‘sish...
O'qish![image](/images/CXNtnFV3GF8jXQ0cBZCQnRHV1If6Q2ktm4vutvj0.jpg)
Quyosh kollektorlari qanday samara bermoqda?
“O‘zbekko‘mir” AJ tizimida quyosh kollektorlari va issiqlik nasoslar o‘rnatilgani hisobiga yiliga 150 ming kilovatt elektr iqtisod qilinmoqda. Bu haqida Prezident Shav...
O'qish![image](/images/JXyCQIVYyJ70KmIXtKucSe8wFiOgWoLdr1JNGroU.jpg)
“Koinot” oromgohi mavsumning 3-navbatini boshladi
“O‘zbekko‘mir” aksiyadorlik jamiyatining “Koinot” bolalar yozgi sog‘lomlashtirish oromgohi mavsumning 3-navbati uchun 260 nafarga yaqin konchilar farzandlarini qabu...
O'qish![image](/images/TzcifMOfRGZofF4qlsPiynYTpNaFRrlWcrqX8CUT.jpg)
Ishga qabul bo‘yicha navbatdagi tanlov e’lon qilindi
“O’zbekko’mir” AJning bo’sh ish o’rinlariga ishga qabul qilish uchun talabgorlarning ariza va hujjatlari, 2024-yilning 17-iyul soat 15:00 dan 24-iyul soat 18:00 ga qadar...
O'qish