“O‘zbekko‘mir” AJda Alisher Navoiy tavalludining 585 yilligi munosabati bilan ma’naviy-ma’rifiy tadbir tashkil etildi

Buyuk mutafakkir, so‘z mulkining sultoni Alisher Navoiy tavalludining 585 yilligi munosabati bilan “O‘zbekko‘mir” AJ “Qurilish-montaj ishlari” filialining tadbirlar zalida ishchi-xodimlar ishtirokida buyuk adibning bebaho adabiy merosini keng targ‘ib etishga qaratilgan ma’naviy-ma’rifiy tadbir hamda navoiyxonlik kechasi tashkil etildi

Tadbir davomida “O‘zbekko‘mir” AJ bosh direktori Dusmatov N.U. Alisher Navoiy hayoti va ijodi, uning o‘zbek adabiyoti hamda milliy ma’naviyatimiz rivojiga qo‘shgan beqiyos hissasi haqida atroflicha so‘z yuritdi. 

Tadbir mehmoni Tesha Mo‘minov ham ishtirok etib, buyuk mutafakkirning ruboiy, g‘azal va to‘rtliklaridan ijro etdi hamda yig‘ilganlarga ma’naviy zavq ulashdi.
Tadbir yakunida O‘zbekiston davlat drama teatri aktrisasi Munojat Teshaboyeva tomonidan kuy-qo‘shiqlar ijro etilib, kecha yanada ko‘tarinki ruhda davom etdi. Ushbu ma’naviy-ma’rifiy tadbir ishtirokchilarda Alisher Navoiy merosiga bo‘lgan qiziqish va ehtiromni yanada mustahkamlashga xizmat qildi