Аҳолига мўлжалланган ҳар бир килограмм кўмир ҳисобда
Nashr qilingan sana: 19.09.2022 11:57:29Жорий 2022-2023 йиллар куз-қиш мавсуми учун тасдиқланган режа бўйича республика аҳолисига 1 162,0 минг тонна кўмир етказиб берилади. Аҳоли учун мўлжалланган кўмирнинг 882 минг тоннасини маҳаллий, 280 минг тоннасини импорт ёқилғи ташкил этади.
Маҳаллий кўмир аҳолига “Кўмир таъминот” МЧЖнинг республика ҳудудий кўмир омборлари орқали маҳалла фуқаролар йиғинлари томонидан тақдим этилган рўйхат асосида арзонлаштирилган нархларда тарқатилади. Бу ҳақида “Кўмир таъминот” МЧЖ Андижон вилоят филиалида куз-қиш даврини беталафот ўтказиш, кўмир омборларида ижро интизомини мустаҳкамлаш юзасидан ташкил этилган йиғилишда алоҳида маълум қилинди.
“Ўзбеккўмир”АЖ Бош директорининг режим ва кадрлар масалалари бўйича ўринбосари Н.Талабаев раислигида ўтка-зилган йиғилишда жамият бош мутахассислари, вилоят ДХХ бошқармаси вакиллари ҳамда филиал ходимлари ҳамда кўмир омборлари мудирлари иштирок этди.
Кун тартибидаги масала юзасидан Андижон вилоят филиали бошлиғи Б.Султанов сўзга чиқиб, филиалда шу кунгача амалга оширилган ишлар ва келгусидаги вазифалар хусусида ахборот берди. Вилоят бюджет ташкилотларига кўмир тарқатиш ишлари якунланмоқда, эндиликда аҳоли истеъмолчиларига ёқилғи сотишни бошлаймиз, ўтган йилги ютуқ ва камчилик-лардан хулоса чиқарган ҳолда, жараённи намунали ташкил этишимиз, кўмир омборларида тартиб-интизомни кучайтириб, ходимлар масъулиятини оширишимиз лозим, деди жумладан Б.Султонов.
“Кўмир таъминот” МЧЖнинг республика ҳудудий кўмир омборларида аҳолига маҳаллий кўмир маҳсулоти маҳалла фуқаролар йиғинлари томонидан тақдим этилган рўйхат асосида арзонлаштирилган нархларда тарқатилади. Айни пайтда омборга келиб тушган ҳар килограмм кўмир қатъий ҳисобда ва тўлақонли равишда ўз эгасига етиб бориши керак.
Йиғилиш раиси Н.Талабаев тадбир иштирокчилари эътиборини ана шу масалага қаратар экан, барча омборларда моддий жавобгар шахс-лар ўз вазифасига маъсулият билан ёндошиши лозимлигини, ишониб топширилган кўмир маҳсулотлари талон-тарож қилинишига мутлақо йўл қўйиб бўлмаслигини, агар шундай ҳолат содир этилса, етказилган зарар ва камомадлар жавобгар шахс ҳисобидан тўлиқ ундириб олинишини эслатиб ўтди.
Омборга кириб келаётган ва бу ердан чиқиб кетаётган барча транспорт воситаларини қатъий назоратга олиш, кўмир тарқатиш жараёнида бегона шахсларнинг аралашувига йўл қўймаслик, савдони касса аппаратлари орқали амалга ошириш, кунлик маълумотларни ўз вақтида тақдим қилиш лозим, деди Н.Талабаев.
Йиғилишда аҳоли учун келтирилаётган кўмир маҳсулотини ўз вақтида қабул қилиб олиш, сақлаш ва тарқатиш, омбордаги мавжуд техникадан унумли фойдаланиш, вақтинча ишлатилмаётган брикет станокларини авайлаб сақлаш ҳақида ҳам гап борди. Бу ҳақида “Ўзбеккўмир” АЖ бош геологи Э.Жўраев ўз тавсияларини берди.
Ҳудди шундай тадбирлар “Кўмир таъминот” МЧЖнинг Наманган ва Фарғона вилоятлари филиалларида ҳам ташкил этилди.
Izohlar
Oxirgi yangiliklar:
![image](/images/FDCoUpiCe1dVr0adUxMtbBwclnWLTg8eoSXGPgKE.jpg)
Diqqat: “BelAZ” va “Komatsu” samosvallari haydovchilari kerak!
“O‘zbekko‘mir” aksiyadorlik jamiyati “BelAZ” hamda “KOMATSU” avtosamosvallarini boshqarish uchun yuqori malakali haydovchilarini ishga taklif qiladi. Aksiyadorlik jam...
O'qish![image](/images/YgCS6vu3sAPdGJVCvsBGoUcvTb0TaNld5z4COand.jpg)
“Koinot” oromgohi mavsumning 2-navbatini boshladi
Bugun “O‘zbekko‘mir” AJ xodimlari farzandlarining navbatdagi katta bir guruhi "Koinot" bolalar yozgi sog‘lomlashtirish oromgohiga mavsumning ikkinchi navbatida dam olish...
O'qish![image](/images/fTeVIHq6DX8J5HGShg6IQqh3CN2m2cwUSBCfLBxa.jpg)
“O‘zbekko‘mir AJ aksiyadorlari diqqatiga!
“O‘zbekko‘mir” aksiyadorlik jamiyati aksiyadorlarining navbatdan tashqari umumiy yig‘ilishi o‘tkazilishi to‘g‘risida XABARNOMA “O‘zbekko‘mir” AJ Kuzatuv kenga...
O'qish![image](/images/EKQMNTXlaCxglBC5p1VgiEESfWL6fTe2GTeFNJor.jpg)
“O‘zbekiston-2030” strategiyasi ijrosi muhokama qilindi
Kon-geologiya vazirligida “O‘zbekiston – 2030” strategiyasi ijrosi yuzasidan muhokama-munosabat tadbiri o‘tkazildi 2024-yil 28-iyunkuni Tog‘-kon sanoati va geologi...
O'qish