Har bir murojaatga yechim bor
Nashr qilingan sana: 13.03.2026 13:29:372025-yil davomida “O‘zbekko‘mir” aksiyadorlik jamiyatiga jismoniy va yuridik shaxslardan jami 1531 ta murojaat kelib tushdi. Ushbu murojaatlar belgilangan tartibda ko‘rib chiqilib, ularning aksariyati bo‘yicha qonuniy va ijobiy yechimlar topildi. Bu esa jamiyat faoliyatida aholi bilan muloqotga alohida e’tibor qaratilayotganini ko‘rsatadi.
Kelib tushgan murojaatlarning asosiy qismi jismoniy shaxslarga to‘g‘ri keladi. Xususan, 1468 ta murojaat jismoniy shaxslardan, 63 ta murojaat esa yuridik shaxslardan kelib tushgan. Bu holat fuqarolarning jamiyat faoliyatiga doir masalalar bo‘yicha faol murojaat qilib kelayotganini ko‘rsatadi.
Murojaatlar belgilangan tartibda ko‘rib chiqilib, ular yuzasidan tegishli qarorlar qabul qilindi. Natijada 1237 ta murojaat ijobiy hal etildi, 219 ta murojaat yuzasidan tushuntirish berildi, 75 ta murojaat esa rad etildi. Bu ko‘rsatkichlar murojaatlarni ko‘rib chiqish jarayonida qonuniylik va adolat tamoyillariga amal qilinganini ko‘rsatadi.
Murojaatlar mazmuni tahlil qilinganda, ular turli masalalarga oid ekani ma’lum bo‘ladi. Jumladan, homiylik va moddiy yordam masalalari bo‘yicha 587 ta, ko‘mir ta’minoti yuzasidan 299 ta, mehnat munosabatlari bo‘yicha 150 ta, oylik ish haqi masalalari bo‘yicha 72 ta murojaat kelib tushgan. Shuningdek, boshqa turli masalalar bo‘yicha 415 ta, rahbarning noqonuniy xatti-harakatlari haqida 8 ta murojaat qayd etilgan.
Aholi uchun yanada qulaylik yaratish maqsadida yo‘lga qo‘yilgan virtual qabulxona orqali 296 ta murojaat kelib tushgani ham fuqarolarning elektron murojaat imkoniyatlaridan faol foydalanayotganini ko‘rsatadi.
Umuman olganda, kelib tushgan murojaatlarning aksariyati o‘z vaqtida ko‘rib chiqilib, tegishli tartibda hal etilgani “O‘zbekko‘mir” aksiyadorlik jamiyati faoliyatida ochiqlik, shaffoflik va jamoatchilik bilan muloqotga alohida e’tibor qaratilayotganidan dalolat beradi. Jamiyat kelgusida ham murojaatlarni tezkor va adolatli ko‘rib chiqish, fuqarolar muammolariga yechim topish hamda aholi bilan samarali muloqotni yanada mustahkamlashni ustuvor vazifa sifatida davom ettiradi.
Malika Nazarova,
Murojaatlar bilan ishlash bo‘limi bosh mutaxassisi
Oxirgi yangiliklar:
“Mening kelajakdagi kasbim”: bitiruvçi yoşlar bilan uçraşuv ötkazildi
Davlatimiz rahbarining joriy yil 24-fevral kuni yoşlar bilan ötkazgan oçiq muloqotida belgilangan vazifalar va ilgari surilgan taşabbuslar ijrosini taʼminlaş maqsadida da...
O'qish
Barqaror rivojlaniş sari muhim qadam: “O‘zbekko‘mir” AJ ilk ESG hisobotini taqdim etdi
Bugun korxona faoliyatiga baho berişda faqat qança mahsulot işlab çiqarilgani yoki qança daromad olingani bilan çeklanilmaydi. Işlab çiqariş jarayonining atrof-muhitga ta...
O'qish
Oçiqlik − hisobdorlik va jamoat işonçi asosi
9 dekabr − Xalqaro korrupsiyaga qarşi kuraşiş kuni. Uşbu sana korrupsiyaning oldini olişda oçiqlik, şaffoflik va jamoatçilik nazoratining ahamiyatini yana bir bor eslatad...
O'qish
"O‘zbekko‘mir" AJning faol yoshlari Oliy Majlis faoliyati bilan tanishdilar
"O‘zbekko‘mir" AJning faol yoshlari Oliy Majlis faoliyati bilan tanishdilar "O‘zbekko‘mir" AJning bir guruh faol yoshlari O‘zbekiston Respublikasi Oliy Majlisiga...
O'qish