Ish jarayonida ham sportga hamisha vaqt topiladi
Nashr qilingan sana: 17.09.2026 10:35:40
Korxonamizda xodimlarning bo‘sh vaqtlarini mazmunli o‘tkazishi, jismoniy faolligini oshirishi va sog‘lom turmush tarziga amal qilishi uchun barcha zarur sharoitlar yaratilgan. Zamonaviy sport majmuasi, ochiq sport maydonlari va mavjud imkoniyatlardan samarali foydalanish, avvalo, har birimizning o‘zimizga bog‘liq.
Faxr bilan ta’kidlash mumkinki, “O‘zbekko‘mir” AJ jamoasi respublika, shahar va viloyat miqyosida o‘tkazilayotgan nufuzli sport musobaqalarida muntazam va munosib ishtirok etib, sovrinli o‘rinlarni qo‘lga kiritib kelmoqda. Ayniqsa, an’anaviy Konchilar spartakiadasi jamoamiz hayotida muhim o‘rin tutadi. Har yili qizg‘in va murosasiz bahslarga boy tarzda o‘tadigan mazkur sport tadbiri xodimlarimizda nafaqat jismoniy chiniqish, balki jamoaviylik, hamjihatlik va yuksak kayfiyatni ham shakllantirmoqda.
Jamiyatimizda futbol, voleybol, stol tennisi, shaxmat va shashka kabi sport turlari bo‘yicha yaxshi shakllangan jamoalar mavjud. Sportni sevib, mashg‘ulotlarda muntazam va faol ishtirok etayotgan hamkasblarimiz safi yildan-yilga kengayib borayotgani esa barchamizni quvontiradi.
Haftaning har juma kunining “Sport kuni” etib belgilanishi ushbu ezgu an’analarni yanada mustahkamlash, xodimlarni sportga keng jalb etish va jamoamizda sog‘lom turmush tarzini ommalashtirish uchun yangi imkoniyatlar yaratdi.
Zero, sport inson hayotining ajralmas qismiga aylanishi kerak. Buning uchun albatta katta vaqt yoki alohida sharoit talab etilmaydi. Hatto kundalik ish jarayonida ham jismoniy faollik uchun vaqt ajratish mumkin. Masalan, tushlik tanaffusi vaqtida sport majmuamizda qisqa voleybol mashg‘ulotlarini o‘tkazib kelmoqdamiz. Bu, bir tomondan, sog‘lomlashish va jismoniy faollikni ta’minlasa, ikkinchi tomondan, hamkasblar o‘rtasidagi do‘stona munosabatlar va jamoaviy ruhni yanada mustahkamlaydi.
Shu munosabat bilan barcha hamkasblarimizni korxonamizda yaratilgan imkoniyatlardan samarali foydalanishga, sport bilan muntazam shug‘ullanishga va jismoniy faol hayot tarzini o‘z kundalik hayotining bir qismiga aylantirishga chaqiraman.
Chunki sport — nafaqat jismoniy kuch va salomatlik manbai. U insonga ruhiy tetiklik, ishchanlik, yuqori kayfiyat bag‘ishlaydi, jamoada hamjihatlik va o‘zaro qo‘llab-quvvatlash muhitini mustahkamlaydi.
Keling, har juma — “Sport kuni”ni barchamiz uchun yaxshi va foydali odatga aylantiraylik!
Madina Umarova
“O‘zbekko‘mir” AJ Inson resurslarini rivojlantirish va boshqarish boshqarmasi boshlig‘i o‘rinbosari
Oxirgi yangiliklar:
Barqaror rivojlaniş sari muhim qadam: “O‘zbekko‘mir” AJ ilk ESG hisobotini taqdim etdi
Bugun korxona faoliyatiga baho berişda faqat qança mahsulot işlab çiqarilgani yoki qança daromad olingani bilan çeklanilmaydi. Işlab çiqariş jarayonining atrof-muhitga ta...
O'qish
Oçiqlik − hisobdorlik va jamoat işonçi asosi
9 dekabr − Xalqaro korrupsiyaga qarşi kuraşiş kuni. Uşbu sana korrupsiyaning oldini olişda oçiqlik, şaffoflik va jamoatçilik nazoratining ahamiyatini yana bir bor eslatad...
O'qish
"O‘zbekko‘mir" AJning faol yoshlari Oliy Majlis faoliyati bilan tanishdilar
"O‘zbekko‘mir" AJning faol yoshlari Oliy Majlis faoliyati bilan tanishdilar "O‘zbekko‘mir" AJning bir guruh faol yoshlari O‘zbekiston Respublikasi Oliy Majlisiga...
O'qish
Brinfing: kondan xonadongacha: ko‘mir ta’minoti qanday kechmoqda?
Brinfing: kondan xonadongacha: ko‘mir ta’minoti qanday kechmoqda? 2026-yilda “O‘zbekko‘mir” AJ tomonidan 5,7 million tonna ko‘mir qazib chiqarish, shundan 1 milli...
O'qish.jpg)