“Oʻzbekkoʻmir” aksiyadorlik jamiyatida Oʻzbekiston Respublikasi Prezidentining “Oʻzbekiston Respublikasining seysmik xavfsizligini taʼminlash tizimini yanada takomillashtirish chora-tadbirlari toʻgʻrisida” 144-son Farmoni ijrosini taʼminlash maqsadida oʻquv-mashgʻulotlari oʻtkazib kelinmoqda. Bugun, aksiyadorlik jamiyatining Oʻquv markazida Toshkent viloyati Favqulodda vaziyatlar boshqarmasining Nurafshon shahar Hayot-faoliyati xavfsizligi oʻquv markazi oʻqituvchisi Raxmatillo Nurmatov dars yigʻilganlarga mavzu yuzasidan nazariy hamda amaliy tushunchalar berdi.

Tasdiqlangan yoʻl xaritasida belgilanganidek, jamiyatda zilzila va uning oqibatlariga oid ishlab chiqilgan koʻrgazmali oʻquv-uslubiy vositalar va metodik qoʻllanmalardan foydalangan holda topshiriq mavzusiga oid materiallarni tayyorlangan boʻlib, oʻtkazilgan oʻquv mashgʻulotlari rejasiga muvofiq ishtirokchilar roʻyxati shakllantirildi. Mashgʻulotlar olib borish tartibi, manzili va jalb qilinadigan texnikalarning harakati rejalari tuzilib, amalga oshirilmoqda.